新聞類別
娛樂
詳情#
【蘋果日報】盧凱彤（Ellen）、林二汶的at17重組，一連三場「GIRLS GIRLS GIRLS演唱會」前晚在灣仔伊館開鑼，全場爆滿，二汶在中段表演unplugged環節時表示：「呢個setting令我諗起以前我哋喺黃金海岸唱歌，得四百蚊仲要收唔到錢，當時係唱王力宏同周杰倫，因為好紅。」Ellen接着說：「好彩有明哥（黃耀明）簽咗我哋，等我哋以後有自己歌唱。」
入行多年，at17經歷不少苦與樂，二汶謂：「分開後我最鍾意嘅係我試衫時，就算要着加大碼都唔需要慚愧，因為身邊嗰個盧凱彤係着加細碼，你喺佢身邊只有一個灰字。」不過，她坦言分開後不習慣沒有Ellen在身邊彈結他。
二汶自認樣靚
Ellen接着讚二汶有一把靚聲，但二汶就講笑說自己樣靚過聲，Ellen即笑說：「有日綵排，佢突然望住我一分鐘唔出聲，然後話我真係好幸福，因為你個拍檔真係好靚。」引來台下觀眾爆笑。Ellen又表示：「同二汶分開後我冇咗方向，人生變得心如止水，即係死水。生命中冇咗林二汶少咗好多歡樂，佢係一個放屁都要同我講嘅人，女歌手邊個會咁？」
Ellen又稱：「獨立後我試過搵好多外來方法補救，無論學唱歌、做咗個通鼻塞手術，抑或搵風水師傅換粉紅色床單都好，但都唔及二汶呢幾個月同我傾偈，唔係你喺我14歲時見到我主動問我攞電話，我哋唔會組成at17，多謝你畀咗一段咁好嘅青春我。」
唱聖誕歌應節
安哥環節，二人換上一紅一綠閃閃外套唱聖誕歌應節，最後Ellen說要公開多謝一個人，當大家以為是太太時，曾患躁鬱症的她說：「唔係呀，我要多謝我醫生，呢幾年過得唔算係平坦嘅路，佢陪咗我好多，令我每日有力量起身做所有事，多謝佢。」
採訪：曹家誠
攝影：仇志德
入行多年，at17經歷不少苦與樂，二汶謂：「分開後我最鍾意嘅係我試衫時，就算要着加大碼都唔需要慚愧，因為身邊嗰個盧凱彤係着加細碼，你喺佢身邊只有一個灰字。」不過，她坦言分開後不習慣沒有Ellen在身邊彈結他。
二汶自認樣靚
Ellen接着讚二汶有一把靚聲，但二汶就講笑說自己樣靚過聲，Ellen即笑說：「有日綵排，佢突然望住我一分鐘唔出聲，然後話我真係好幸福，因為你個拍檔真係好靚。」引來台下觀眾爆笑。Ellen又表示：「同二汶分開後我冇咗方向，人生變得心如止水，即係死水。生命中冇咗林二汶少咗好多歡樂，佢係一個放屁都要同我講嘅人，女歌手邊個會咁？」
Ellen又稱：「獨立後我試過搵好多外來方法補救，無論學唱歌、做咗個通鼻塞手術，抑或搵風水師傅換粉紅色床單都好，但都唔及二汶呢幾個月同我傾偈，唔係你喺我14歲時見到我主動問我攞電話，我哋唔會組成at17，多謝你畀咗一段咁好嘅青春我。」
唱聖誕歌應節
安哥環節，二人換上一紅一綠閃閃外套唱聖誕歌應節，最後Ellen說要公開多謝一個人，當大家以為是太太時，曾患躁鬱症的她說：「唔係呀，我要多謝我醫生，呢幾年過得唔算係平坦嘅路，佢陪咗我好多，令我每日有力量起身做所有事，多謝佢。」
採訪：曹家誠
攝影：仇志德
回應 (0)
