新聞類別
娛樂
詳情#
【蘋果日報】安志杰今年7月喺寧波拍攝新戲《功夫聯盟》時不慎受傷，導致右腳筋腱斷裂，但未有影響佢同名模太太Jessica C.繼續造人大計。JC繼去年3月為安志杰生咗囡囡Tessa後，噚日平安夜佢喺Instagram宣佈懷第二胎。JC喺Ig上載自拍短片，以英語講：「Andy送了新耳環給我……我又懷孕了！」
懷孕三個多月
其實安志杰今個月初同JC出席活動時，已表明「日日造人」，估唔到聖誕節前夕果然有好消息公佈。安志杰經理人公司發言人李小姐噚日話：「Jessica係有咗三個月，呢份係佢哋今年最好嘅聖誕禮物。其實生完第一胎之後，佢哋已經有計劃生第二胎，因為Jessica本身有三姊妹，Andy有個家姐一個細妹，所以一直想生多個小朋友，Andy話今次係上天送畀佢哋兩公婆嘅聖誕禮物，仔女都冇所謂，希望大家過一個開心嘅聖誕節，所以揀喺呢個日子公佈喜訊。」佢話安志杰本來喺內地拍劇，今次特登向劇組申請聖誕返港陪家人過節。
至於JC就透過經理人回應：「相當開心同興奮再做母親，因為佢一向好鍾意小朋友，享受做媽媽過程，依家已有三個多月身孕。聽佢講成日好攰，好想瞓，一般有BB嘅疲勞，同冇胃口食嘢，所以反而瘦咗，希望佢聖誕食多啲嘢，補番多啲營養。」
撰文：馮仁昭
懷孕三個多月
其實安志杰今個月初同JC出席活動時，已表明「日日造人」，估唔到聖誕節前夕果然有好消息公佈。安志杰經理人公司發言人李小姐噚日話：「Jessica係有咗三個月，呢份係佢哋今年最好嘅聖誕禮物。其實生完第一胎之後，佢哋已經有計劃生第二胎，因為Jessica本身有三姊妹，Andy有個家姐一個細妹，所以一直想生多個小朋友，Andy話今次係上天送畀佢哋兩公婆嘅聖誕禮物，仔女都冇所謂，希望大家過一個開心嘅聖誕節，所以揀喺呢個日子公佈喜訊。」佢話安志杰本來喺內地拍劇，今次特登向劇組申請聖誕返港陪家人過節。
至於JC就透過經理人回應：「相當開心同興奮再做母親，因為佢一向好鍾意小朋友，享受做媽媽過程，依家已有三個多月身孕。聽佢講成日好攰，好想瞓，一般有BB嘅疲勞，同冇胃口食嘢，所以反而瘦咗，希望佢聖誕食多啲嘢，補番多啲營養。」
撰文：馮仁昭
回應 (0)
