新聞類別
娛樂
詳情#
【蘋果日報】女子組合Twins的蔡卓妍（阿Sa）及鍾欣潼（阿嬌）今年宣佈封盤，阿Sa戀上「百億麻將館太子爺」石恆聰，阿嬌則撻着台灣「醫界王陽明」賴弘國，今年是兩對戀人拍拖後首個聖誕，偏偏撞正Twins要出埠做騷，阿Sa和阿嬌同聲表示工作要緊，早前更提前跟近百粉絲在屯門開聖誕派對。
鼓勵歌迷捐錢
Twins帶禮物給粉絲抽獎、逐一合照，更鼓勵粉絲用買禮物錢行善，阿Sa說：「我覺得用我哋個名去捐錢更有意義，好多嘢我哋都有。」阿嬌也和應：「將愛心帶出去。」派對上，年紀最小的粉絲是5歲的豆豆及3歲多的妹妹毛毛，毛毛為冧阿Sa，除DIY手繩做禮物，又大唱羅文金曲《激光中》搞笑走音版，令阿Sa笑不停。
阿Sa不介意聖誕開工，她說：「聖誕梗係要啦，呢行忙日子都係聖誕新年，唔忙就慘。」阿嬌則說：「有錢唔通唔賺咩？」Twins今年繼續相依過節，但會交換禮物，問她們可會買靚衫給男友，畢竟阿Sa男友都是靚仔？阿Sa冧爆說：「唔好咁啦，讚壞晒。」阿嬌男友也不差，她甜絲絲地說：「佢俾人讚多，慣㗎啦，唔使成日讚。」
講到選購聖誕禮物，阿Sa謂最愛買禮券送同事，阿嬌即靈機一觸：「不如用Asia Miles換啦！」阿Sa教路：「你唔好嘥啲Asia Miles，啲coupon又唔係貴。」阿嬌說：「咁慳得就慳嘛，我依家好慳，佢（賴弘國）叫我慳啲。」
掃芒貼被詐型
阿嬌自爆有次與男友到日本旅行時狂掃芒貼被詐型：「佢話我得一個電話，買咁多做乜。」兩人感情穩定，到底誰先嫁？阿嬌說：「唔知。」阿Sa也答：「點鬼知，下一秒都唔知發生乜事。」阿嬌再說：「嫁到就嫁，聽聞接咗花球三年嫁唔出，我接咗兩次都係冇男友，就咁過咗六年。」
採訪：楊定
場地提供：屯門貝爾特酒店貝爾特酒廊
化妝：YannesLee of ndnco（蔡卓妍）、AndyLeung of ndnco（鍾欣潼）
髮型：Wil Tam of Fifth salon（鍾欣潼）
鼓勵歌迷捐錢
Twins帶禮物給粉絲抽獎、逐一合照，更鼓勵粉絲用買禮物錢行善，阿Sa說：「我覺得用我哋個名去捐錢更有意義，好多嘢我哋都有。」阿嬌也和應：「將愛心帶出去。」派對上，年紀最小的粉絲是5歲的豆豆及3歲多的妹妹毛毛，毛毛為冧阿Sa，除DIY手繩做禮物，又大唱羅文金曲《激光中》搞笑走音版，令阿Sa笑不停。
阿Sa不介意聖誕開工，她說：「聖誕梗係要啦，呢行忙日子都係聖誕新年，唔忙就慘。」阿嬌則說：「有錢唔通唔賺咩？」Twins今年繼續相依過節，但會交換禮物，問她們可會買靚衫給男友，畢竟阿Sa男友都是靚仔？阿Sa冧爆說：「唔好咁啦，讚壞晒。」阿嬌男友也不差，她甜絲絲地說：「佢俾人讚多，慣㗎啦，唔使成日讚。」
講到選購聖誕禮物，阿Sa謂最愛買禮券送同事，阿嬌即靈機一觸：「不如用Asia Miles換啦！」阿Sa教路：「你唔好嘥啲Asia Miles，啲coupon又唔係貴。」阿嬌說：「咁慳得就慳嘛，我依家好慳，佢（賴弘國）叫我慳啲。」
掃芒貼被詐型
阿嬌自爆有次與男友到日本旅行時狂掃芒貼被詐型：「佢話我得一個電話，買咁多做乜。」兩人感情穩定，到底誰先嫁？阿嬌說：「唔知。」阿Sa也答：「點鬼知，下一秒都唔知發生乜事。」阿嬌再說：「嫁到就嫁，聽聞接咗花球三年嫁唔出，我接咗兩次都係冇男友，就咁過咗六年。」
採訪：楊定
場地提供：屯門貝爾特酒店貝爾特酒廊
化妝：YannesLee of ndnco（蔡卓妍）、AndyLeung of ndnco（鍾欣潼）
髮型：Wil Tam of Fifth salon（鍾欣潼）
回應 (0)
