「愛馬仕控」袁詠儀聖誕禮物居然有LV無Hermes？

【蘋果日報】聖誕普天同慶，女星們喪送禮，亦收到大批聖誕禮物，林嘉欣、梁詠琪、周汶錡等，近日隔三五時就post一次，多謝各方品牌好友送禮。
袁詠儀(靚靚）更誇張，直情要分類出post，分足三日講多謝。她第一日專答謝美容品牌，po出Fancl、Joyce beauty、Amora Pacific等護膚美容品。第二日就影了一大堆美食hamper，除了朱古力、糖果、酒類等，居然更有冬菇海味，十分岩用。
靚靚前日就list出名牌禮物，作為Hermes狂迷的她，居然第一張相是post出LV所送的字母項鍊！兩條鍊分別是名字縮寫的AY，之後又有大堆波鞋、Hugo Boss冷衫、UGG一家三口的雪靴等，最後都有一個手袋，不過仍然不是Hermes，而是Valextra。
點解靚靚會收不到Hermes?這個時侯，當然要呼喚老公張智霖解答啦！