新聞類別
娛樂
詳情#
【蘋果日報】張振朗於前晚平安夜飛來橫禍，被一個未有綁緊的帳篷整傷入院，昨日凌晨時分，他在面書上留言報平安，並上載坐救護車的照片，以及兩張相分別是兩個插在花槽邊反轉的帳篷，以及有三個男人拉着險跌落碼頭的帳篷，他留言：「一個不平安的平安夜，何解三個帳篷會在天台飛落街？為何沒有人把帳篷綁好？如果打中一個小朋友，他一定會冇命。」
撐枴杖出活動
前晚已出院回家休息的張振朗，昨日和蔡思貝出席上水活動時，要撐着爬山枴杖行路，他說：「唔好彩整傷咗，依家彎唔到腰，但慶幸就係冇傷到個樣，如果唔係都要退休。」
活動後張振朗受訪說：「同謝東閔、另一個朋友去食嘢，去到一個地方，朋友大叫『小心呀，走呀！』，我未會意到係乜事，喺天台就有三個帳篷跌落嚟，撞到我條腰同膝頭哥，我瞓咗喺地下十幾分鐘都郁唔到，好唔開心。」會否追究責任？他說：「稍後研究，依家睇番健康先，今晚都要開廠，但因為我彎唔到腰，所以打唔到，今日出活動我都要戴腰封，好似四哥，噚晚隻左腳郁唔到，今日郁到，但要戴護膝。」張振朗更謂擔心劇集《包青天再起風雲》被易角。
女友不在現場
至於女友陳芷尤有否關心他？張振朗說：「有，但佢當時唔在場。」問會否怕腰傷變成舊患？他說：「好驚會影響生育能力，我唔想。」身旁的蔡思貝表示可為他做替身，可以不眠不休狂操，張振朗即取笑是「女版成龍」。
採訪：黃曉妍
攝影：林賓尼
撐枴杖出活動
前晚已出院回家休息的張振朗，昨日和蔡思貝出席上水活動時，要撐着爬山枴杖行路，他說：「唔好彩整傷咗，依家彎唔到腰，但慶幸就係冇傷到個樣，如果唔係都要退休。」
活動後張振朗受訪說：「同謝東閔、另一個朋友去食嘢，去到一個地方，朋友大叫『小心呀，走呀！』，我未會意到係乜事，喺天台就有三個帳篷跌落嚟，撞到我條腰同膝頭哥，我瞓咗喺地下十幾分鐘都郁唔到，好唔開心。」會否追究責任？他說：「稍後研究，依家睇番健康先，今晚都要開廠，但因為我彎唔到腰，所以打唔到，今日出活動我都要戴腰封，好似四哥，噚晚隻左腳郁唔到，今日郁到，但要戴護膝。」張振朗更謂擔心劇集《包青天再起風雲》被易角。
女友不在現場
至於女友陳芷尤有否關心他？張振朗說：「有，但佢當時唔在場。」問會否怕腰傷變成舊患？他說：「好驚會影響生育能力，我唔想。」身旁的蔡思貝表示可為他做替身，可以不眠不休狂操，張振朗即取笑是「女版成龍」。
採訪：黃曉妍
攝影：林賓尼
回應 (0)
