鍾意男定女？桐谷美玲惹同性戀疑雲

【蘋果日報】日本搶手女星桐谷美玲走紅影視界，隨住師姐堀北真希引退，黑木美沙又專注家庭，使桐谷美玲目前成為事務所主要收入來源，不過28歲嘅桐谷最近爆出秘戀圈中型男三浦翔平，佢又坦言忙30歲前嫁人，搞到事務所相當頭痕。
其實，桐谷自2005年被發掘入行後，有關佢嘅緋聞真係少之又少，曾有網上消息指佢疑搭上大倉忠義、瀨戶康史及山崎賢人等男星，但全部都未經證實，去年更傳出桐谷秘戀日本國腳柴崎岳，然而柴崎岳嘅真命天女係真野惠里菜，反觀桐谷與三浦翔平嘅戀情就來得似層層。
有傳媒指桐谷私生活相當低調，多年來甚少拍拖傳聞，原來圈中一度流傳佢係女同志，不過當事人日前在電視節目間接否認，桐谷向主持坂上忍承認過往只得一兩段戀情，佢自爆高校時曾與打欖球嘅師兄拍拖。