聖誕屋企人行先心美心穎送「撈」俾媽咪

【蘋果日報】黃家一門四美，其中大家姐黃心美同四妹黃心穎各自喺兩間電視台工作，而今年佢哋兩個桃花睇嚟都真係唔錯。其中心穎同馬國明嘅戀情浮面，雖然早前有報道指佢哋情海翻波，不過佢哋早前被影到拍拖行街，似乎仲好恩愛咁噃。而大家姐心美呢，早前去冰島旅行，仲自拍公開戀情。
今個聖誕心美心穎雖然都有拖拍，不過佢哋冇只係掛住拍拖，仲以屋企人行先，好似心美咁，日前做冬，佢就上戴咗拖住爸爸同媽媽嘅相上IG：「我老竇好happy，左手拖我阿媽，右手拖住我，大踏步做冬去。」而日前聖誕當日佢仲上載咗一張黃媽媽拎住隻「勞力士」手錶：「今個聖誕，我老媽子最happy，因為我地㚒份送咗隻勞俾佢做聖誕/生日禮物！」而Boxing day心美再上載一張同三家妹心慧同細妹心穎同黃爸爸黃媽媽食飯慶祝生日嘅相上IG，真係屋企人行先。
至於心穎亦有上載同媽咪慶祝生日嘅自拍相上IG，兩姊妹都勁錫家人。