JM遊芬蘭凍到冇知覺

【蘋果日報】文詠珊（Janice Man）與金融才俊男友吳啟楠（Carl）日前出發去芬蘭旅行，慶祝生日兼睇北極光，兩人轉機時遇上失行李事件，幸最後失而復得。JM前日在當地慶祝29歲生日，她透露：「喺芬蘭過生日，最開心去咗聖誕老人村，但負17度真係好凍，成身暖包都冇用，手腳冇晒知覺咁，但好有氣氛。第一次喺芬蘭過生日，聽咗聖誕老人村好耐，但都未嚟過，今次可以話係夢想成真，又好開心見到好多鹿。」
問到JM男友如何與她慶祝生日，她就表示二人簡單食飯慶祝：「原來嗰度冇蛋糕賣，男友叫餐廳廚師整。」此外，JM表示完成芬蘭之旅，就會去冰島延續她的跨年行程：「準備出發去冰島，所以搵番行李好好彩，如果唔係都唔知點算。」
採訪：小米