相差16年37歲栢芝仲young過21歲林允？

【蘋果日報】37歲嘅張栢芝當年憑《喜劇之王》一炮而紅，依家主力喺大陸搵銀，遇上又係被周星馳力捧而紅，喺《美人魚》做女主角嘅林允。
21歲嘅林允前日喺微博貼上與栢芝合照，留言﹕「我女神的臉真小。」兩人頭貼頭合照，栢芝仲嘟嘴賣萌，唔知係美圖秀秀，還是栢芝真係keep得太完美，兩人年齡差距16年，但真係一啲都睇唔出，唔講仲以為姊妹添。兩代「星女郎」難得合體，網民亦都好興奮，仲有人貼番栢芝同林允喺一年半前影嘅合照出嚟，但大家都好似食咗防腐劑，完全零走樣。
而栢芝最近就無間斷咁更新ig，原來佢開咗個網上購物站，除咗佢自己之外，連兩個仔都做埋模特兒，做生招牌。