新聞類別
娛樂
詳情#
【蘋果日報】張繼聰、唐詩詠、莊思敏、阮兆祥及已出家為僧的前藝人林偉亮等，昨日在沙田體育學院參加「毅力12愛心跑」活動，詩詠負責帶領特首林鄭月娥等政界高官做熱身。阿聰帶同囝囝張瞻出席，太太謝安琪在家照顧囡囡，因阿聰有腳傷，張瞻就代爸爸跑接力賽，阿聰說：「之前踢波扭親腳趾尾，骨裂咗，唔使打石膏，等自然癒合。趁住2017年最後一日，帶囝囝做啲有意義活動，又可以家庭樂。」
放重電影
被無綫封殺的阿聰有份演出《誇世代》，問到台慶頒獎禮有否獲提名？他說：「冇，點會有？我咁嘅身世，好可惜。」阿聰強調和無綫高層關係不錯，只是涉及私人事情：「我公司同TVB有官司，唔方便評論，不過自己2018年嘅工作已經排咗，重點放喺電影。大家睇埋呢兩個禮拜，都好開心咁多人鍾意《誇世代》，同時都有少少唔捨得，一個章節完結，係新嘅開始，唔知幾時平息，相信再有機會合作。」
分手問題
此外，詩詠表示喜歡做運動，小時是羽毛球校隊，亦有玩長跑，現在會打羽毛球和健身。問到做運動是否有助紓解情傷，她說：「運動可以訓練耐性，無論乜嘢時候都可以帶正能量，遇到乜嘢難關都會用訓練心態去面對。」詩詠最近接受訪問時透露與洪永城分手，皆因步伐未能一致，她再解釋：「其實我冇講任何事，呢個只係我嘅愛情觀，唔想解釋原因，都咁耐，會向前看，分手有好多問題，普通一對情侶都有機會遇到，睇吓當時點處理。」對於洪永城指頒獎禮會投詩詠做視后，詩詠自言一切在心中，多謝他，再見亦是朋友。
採訪：羅慧敏
攝影：沈健程
放重電影
被無綫封殺的阿聰有份演出《誇世代》，問到台慶頒獎禮有否獲提名？他說：「冇，點會有？我咁嘅身世，好可惜。」阿聰強調和無綫高層關係不錯，只是涉及私人事情：「我公司同TVB有官司，唔方便評論，不過自己2018年嘅工作已經排咗，重點放喺電影。大家睇埋呢兩個禮拜，都好開心咁多人鍾意《誇世代》，同時都有少少唔捨得，一個章節完結，係新嘅開始，唔知幾時平息，相信再有機會合作。」
分手問題
此外，詩詠表示喜歡做運動，小時是羽毛球校隊，亦有玩長跑，現在會打羽毛球和健身。問到做運動是否有助紓解情傷，她說：「運動可以訓練耐性，無論乜嘢時候都可以帶正能量，遇到乜嘢難關都會用訓練心態去面對。」詩詠最近接受訪問時透露與洪永城分手，皆因步伐未能一致，她再解釋：「其實我冇講任何事，呢個只係我嘅愛情觀，唔想解釋原因，都咁耐，會向前看，分手有好多問題，普通一對情侶都有機會遇到，睇吓當時點處理。」對於洪永城指頒獎禮會投詩詠做視后，詩詠自言一切在心中，多謝他，再見亦是朋友。
採訪：羅慧敏
攝影：沈健程
回應 (0)
