林師傑年尾娶歐陽巧瑩

【蘋果日報】29歲的林師傑前晚出席星夢《勁歌》總選慶功，被老闆何哲圖（Herman）搶先代爆婚訊，踢爆他向女友歐陽巧瑩求婚成功。


林師傑昨接受傳媒訪問時說：「多謝兩邊屋企人支持，我哋都心思熟慮咗一陣，多謝Herman一番說話，令我有信心同動力做呢個決定。」歐陽巧瑩則說：「Herman仲幫我哋擇埋日，吉日係18年年尾。呢三年佢令到我成長好多，我好有信心，呢個男人係付託終生對象。」問到男友有否跪地求婚？歐陽巧瑩冧爆表示：「我哋好平淡，因為佢知我唔鍾意驚喜，所以早幾個月就帶我去買求婚戒指。上個月我哋回憶呢三年大家一齊經歷咗好多，發現我哋除咗係情侶關係，更加係靈魂伴侶，覺得係時候，佢就擺咗戒指喺屋企梳化度，成件事好舒服，多謝佢送咗自己畀我。」


採訪：皓騫