新聞類別
娛樂
詳情#
【蘋果日報】吳君如喺噚日大除夕，繼續為導演嘅處女作《妖鈴鈴》四出宣傳，下午君如單拖去咗旺角戲院謝票，着住道士袍戴住黑超同觀眾玩遊戲送福袋兼影大合照。君如話呢兩個星期已經差唔多走勻成個中國，風塵僕僕嘅佢噚日都有啲攰：「走咗好多城市，有時夜晚都唔知自己喺邊度瞓覺，今日把聲都有啲唔舒服，宣傳埋香港最後一站終於可以休息吓。」
部戲喺內地勁收，兩日票房累積約1.7億人民幣，睇個勢頭收3億人民幣應該冇問題，君如第一次執導就有好成績，咁會唔會即刻開第二部導演作品，佢話：「再睇吓先，等我休息吓搵吓靈感先，都要睇吓市場。」成個聖誕假期都忙住宣傳部戲，問佢囡囡陳是知有冇投訴？君如話：「我今日同佢講，媽咪做埋今日宣傳，今年嘅工作就完喇！點知個女反我眼話，今日咪今年最後一日囉！梗係完啦！」君如笑言囡囡轉數好快，但自己好似轉數越嚟越慢。
港反應冷淡
對於香港有口碑冇票房，兩日收30萬，君如話：「香港真係麻麻哋，我諗係正常嘅，始終有好多因素，可能聖誕檔期比較多西片，又有英雄片，大家習慣咗聖誕睇西片過年就睇番港產片。」
撰文：馮仁昭
部戲喺內地勁收，兩日票房累積約1.7億人民幣，睇個勢頭收3億人民幣應該冇問題，君如第一次執導就有好成績，咁會唔會即刻開第二部導演作品，佢話：「再睇吓先，等我休息吓搵吓靈感先，都要睇吓市場。」成個聖誕假期都忙住宣傳部戲，問佢囡囡陳是知有冇投訴？君如話：「我今日同佢講，媽咪做埋今日宣傳，今年嘅工作就完喇！點知個女反我眼話，今日咪今年最後一日囉！梗係完啦！」君如笑言囡囡轉數好快，但自己好似轉數越嚟越慢。
港反應冷淡
對於香港有口碑冇票房，兩日收30萬，君如話：「香港真係麻麻哋，我諗係正常嘅，始終有好多因素，可能聖誕檔期比較多西片，又有英雄片，大家習慣咗聖誕睇西片過年就睇番港產片。」
撰文：馮仁昭
回應 (0)
