單文柔冇見陳展鵬

【蘋果日報】單文柔和莊思明（Lisa）昨日到觀塘出席元旦活動，問到如何過大除夕，單文柔說：「噚晚同屋企人食飯，因為嫲嫲最近身體唔係幾好，所以留喺屋企陪吓佢。」至於男友陳展鵬可有一齊食飯？她說：「大家節日都比較忙，我屋企又有事忙，我哋有講新年快樂嘅。」跟男友可有約會？她說：「同你哋熟啲嘅時候先講。」前晚陳展鵬因病缺席無綫倒數活動，問她男友身體狀況如何？單文柔說：「佢嘅私人事交畀佢自己答番。」
Lisa則表示跟男友楊明和朋友食雞煲，指日前收到男友送的獨角獸拖鞋聖誕禮物。Lisa織了「溫暖牌」頸巾回禮：「連家姐都笑我老土，我趁男友開工時偷偷哋織咗幾個通宵，佢收到好開心。」
採訪、攝影：曹家誠