新聞類別
娛樂
詳情#
【蘋果日報】楊千嬅在紅館舉行一連11場「楊千嬅三二一GO演唱會」，前晚圓滿結束，獲梁詠琪、汪明荃等捧場，電影拍檔「志明」余文樂擔任嘉賓，盛傳懷孕的樂嫂王棠云則做座上客，但全晚以手袋遮肚。樂仔和千嬅互相擁抱道賀，樂仔笑言太太不懂聽廣東話，可以肆無忌憚講話，當講到合唱歌《當我想起你》，兩人之前拍MV時，樂仔曾說：「你開演唱會畀個升降台我就嚟。」結果樂仔前晚真的站在10呎高升降台出場，之後千嬅又問樂仔此曲是否送給太太，樂仔僅謂：「呢首歌好啱我依家呢個狀態。」
爛聲Encore
演唱會臨近尾聲時，千嬅和觀眾分享感受：「人生去到呢刻好滿足好感恩，以前唔識溝通，有時好多諗法、壓抑會傷害到自己嘅親人、身邊嘅朋友，依家識得用自己嘅能力去修補，畀到支持自己嘅人快樂。」唱出最後一首歌《123321》的中段時，千嬅不禁落淚，fans大合唱為偶像完成後段，千嬅忍淚完成最後一句歌詞「也就無憾了」即離開舞台。但觀眾不願離場，encore之聲始起彼落，持續10分鐘後，千嬅再度出場，用沙啞的聲音笑說：「我已經冇晒聲，點解你哋可以咁變態，仲要我再唱，惟有爛爛哋唱。」最後獻唱《少女的祈禱》及《勇》兩曲後，就曲終人散。
喉嚨生血泡
慶功宴上，千嬅提到樂仔做嘉賓，她坦言也是第一次見到余文樂老婆，問到有否恭喜樂仔雙喜臨門？千嬅就表示：「吓？我真係唔知喎！冇見到你哋講嗰啲嘢。」千嬅又主動分享一件開騷前兩天遇上的意外：「我趕去綵排，喺車入面食三文治，因為隻手污糟，就用叉拮，點知架車煞停，個叉直插喉嚨，搞到喉嚨生咗個血泡，好似粒青提咁大。綵排樓上有間診所，醫生用針筒抽血，抽完之後變咗粒好大嘅痱滋，好彩唔影響唱歌。」其實之前一次健身時，千嬅已不慎弄傷右肩及拉傷左肩舊患，去到尾二場，又患感冒，千嬅笑說：「經過今次之後，人生真係冇乜嘢怕，我想拍部短打動作片。」
採訪：馬建華
攝影：葉君海
爛聲Encore
演唱會臨近尾聲時，千嬅和觀眾分享感受：「人生去到呢刻好滿足好感恩，以前唔識溝通，有時好多諗法、壓抑會傷害到自己嘅親人、身邊嘅朋友，依家識得用自己嘅能力去修補，畀到支持自己嘅人快樂。」唱出最後一首歌《123321》的中段時，千嬅不禁落淚，fans大合唱為偶像完成後段，千嬅忍淚完成最後一句歌詞「也就無憾了」即離開舞台。但觀眾不願離場，encore之聲始起彼落，持續10分鐘後，千嬅再度出場，用沙啞的聲音笑說：「我已經冇晒聲，點解你哋可以咁變態，仲要我再唱，惟有爛爛哋唱。」最後獻唱《少女的祈禱》及《勇》兩曲後，就曲終人散。
喉嚨生血泡
慶功宴上，千嬅提到樂仔做嘉賓，她坦言也是第一次見到余文樂老婆，問到有否恭喜樂仔雙喜臨門？千嬅就表示：「吓？我真係唔知喎！冇見到你哋講嗰啲嘢。」千嬅又主動分享一件開騷前兩天遇上的意外：「我趕去綵排，喺車入面食三文治，因為隻手污糟，就用叉拮，點知架車煞停，個叉直插喉嚨，搞到喉嚨生咗個血泡，好似粒青提咁大。綵排樓上有間診所，醫生用針筒抽血，抽完之後變咗粒好大嘅痱滋，好彩唔影響唱歌。」其實之前一次健身時，千嬅已不慎弄傷右肩及拉傷左肩舊患，去到尾二場，又患感冒，千嬅笑說：「經過今次之後，人生真係冇乜嘢怕，我想拍部短打動作片。」
採訪：馬建華
攝影：葉君海
回應 (0)
