唐詩詠感激志雲加人工

【蘋果日報】唐詩詠昨日到商台接受訪問，談及今年有份競逐視后，詩詠表示若得獎，希望在台上公開多謝陳志雲（Stephen）。詩詠一直視Stephen為恩人，她分享初入行時曾捱窮，多得Stephen打救。
詩詠說：「我2004年入無綫時人工好低，出入搭公司巴士，生活上要家人資助，有次同Stephen食飯傾偈，佢問我幾錢人工，我話月薪3,000元，然後Stephen話『夠唔夠生活呀？』之後佢加到我萬幾蚊人工，好實在，幫到我，收到糧單好開心。以前細個唔識得點多謝佢，自己諗唯一係等到攞獎時多謝Stephen。」不過詩詠坦言對得獎信心一半半，反而積極為扮靚花心思，正準備晚裝備戰。
採訪、攝影：卓寶花