新聞類別
娛樂
詳情#
【蘋果日報】【第40屆十大中文金曲】港台「第40屆十大中文金曲—我和你音樂會」昨晚假Star Hall舉行，今屆頒獎禮玩「斬件」上，包攬第一個和最後一個，上月搶頭啖湯先頒發部份獎項，昨晚壓軸再頒餘下的八個大獎，陳奕迅（Eason）驚喜現身掃獎，跟李克勤在港台各奪五獎平分秋色，總結四台頒獎禮成績，李克勤橫掃14.5獎成為終極大贏家。
Eason在校長譚詠麟手上領全國最佳男歌手、最優秀男歌手和全球華人至尊金曲獎，一再上台的Eason笑說：「好似replay，好多回憶，香港歌手多機會去內地、星馬、美加、台灣做騷，返嚟屋企最開心，希望遲啲五月天、張靚穎唔係香港歌手都嚟支持我哋。」司儀打蛇隨棍上問會否每年見到你？Eason支吾說：「多元啲好，多啲人玩。其實依家做歌，我冇乜在意以後發展，呢隻歌係香港人幫我做，最緊要歌手喺台上面玩得過癮，做足功課唔怕緊張。」
城城唱跳金曲
而克勤憑《失魂記》獲全國最佳中文歌曲獎，被問到親人有腦退化唱這首歌特別有感觸，他說：「婆婆都有呢個問題，佢唔係好認得我！」跟着再攞金曲40全球傑出歌手獎，克勤笑說：「嘩！呢個好勁，我唔敢當，我會繼續緊守崗位做多啲廣東歌，我係廣東歌起家。」
由於今年是廣播90周年，歌手唱出集體回憶，做爸爸後首次踏舞台的郭富城，又跳又唱《對你愛不完》等金曲，全場打拍子歡呼。城城說：「我踏入樂壇第一個獎，係92年港台頒畀我新人獎，帶畀我好多動力同鼓勵。」
多位後輩歌手都有在台上演唱經典金曲，包括鄭欣宜、Gin Lee、JW、許廷鏗、陳柏宇、周柏豪等，但現場反應不及前輩蔣志光和韋綺姍合唱經典歌《相逢何必曾相識》熱烈。
採訪：馬建華、盧妹
攝影：陳俊強、葉君海
Eason在校長譚詠麟手上領全國最佳男歌手、最優秀男歌手和全球華人至尊金曲獎，一再上台的Eason笑說：「好似replay，好多回憶，香港歌手多機會去內地、星馬、美加、台灣做騷，返嚟屋企最開心，希望遲啲五月天、張靚穎唔係香港歌手都嚟支持我哋。」司儀打蛇隨棍上問會否每年見到你？Eason支吾說：「多元啲好，多啲人玩。其實依家做歌，我冇乜在意以後發展，呢隻歌係香港人幫我做，最緊要歌手喺台上面玩得過癮，做足功課唔怕緊張。」
城城唱跳金曲
而克勤憑《失魂記》獲全國最佳中文歌曲獎，被問到親人有腦退化唱這首歌特別有感觸，他說：「婆婆都有呢個問題，佢唔係好認得我！」跟着再攞金曲40全球傑出歌手獎，克勤笑說：「嘩！呢個好勁，我唔敢當，我會繼續緊守崗位做多啲廣東歌，我係廣東歌起家。」
由於今年是廣播90周年，歌手唱出集體回憶，做爸爸後首次踏舞台的郭富城，又跳又唱《對你愛不完》等金曲，全場打拍子歡呼。城城說：「我踏入樂壇第一個獎，係92年港台頒畀我新人獎，帶畀我好多動力同鼓勵。」
多位後輩歌手都有在台上演唱經典金曲，包括鄭欣宜、Gin Lee、JW、許廷鏗、陳柏宇、周柏豪等，但現場反應不及前輩蔣志光和韋綺姍合唱經典歌《相逢何必曾相識》熱烈。
採訪：馬建華、盧妹
攝影：陳俊強、葉君海
回應 (0)
