70歲汪阿姐潮得起　連對短襪都係Gucci

【蘋果日報】汪明荃雖然已經年屆70歲，不過衣著打扮就絕對不受年齡限制，著衫貼潮之餘仲經常潮牌上身。阿姐最近相當鍾情Gucci，除了曾非常揼本，真金白銀用了超過22萬買了一條Gucci的全珠片晚裝登台演出之外，早前撐陳欣健場睇騷時，亦穿了Gucci的綠色貓頭oversized hoodie。
日前，阿姐捧楊千嬅場，現身睇演唱會時，又再Gucci上身，身穿一條男裝條子針織上衣，心口織有彩色太空船圖案，設計可愛又搶眼，腳踩一對Gucci Ace sneakers，而且仲不特止，連對紅色襪，都係Gucci而且更頭戴一頂飾有面紗的紅色冷帽，一身打扮in過不少後生女。