與莊天龍同遊越南後　傳傅嘉莉被迫回復單身專心工作

【蘋果日報】33歲嘅傅嘉莉，喺2013年拍大台劇《衝上雲霄II》喺劇中飾演「咖啡妹」喬祖思（Josie）而廣為人知，之前仲年年有劇拍，而佢嘅戲份都真係唔少。不過佢嘅緋聞同佢嘅人氣一樣成正比。
佢先後拍《衝上雲霄II》同《張保仔》都同拍檔吳卓羲及陳展鵬傳緋聞，不過最觸目嘅都係傅嘉莉喺2014年被《蘋果》影到同一位疑似有家室嘅四眼肥叔叔喺的士車廂內又攬又啜。傅嘉莉接受訪問時表示自己同肥叔叔係「長輩同世姪女關係」，而喺的士上嘅攬啜相係角度問題，仲堅稱冇錫過。
而近年傅嘉莉被指同已婚富豪莊天龍關係密切，去年4月有讀者透過「爆相爆片」踢爆傅嘉莉3月時搭廉航，飛越南會合莊天龍，傅嘉莉仲身穿比堅尼泳衣同莊天龍喺酒店嘆SPA。不過去年初亦有指傅嘉莉同一時間暗撻富豪B，而因為越南嘆世界之旅曝光而「東窗事發」，而令傅嘉莉被迫回復單身，又佢亦都惟有「反璞歸真」專心拍劇，繼《特技人》之後，依家接住拍新劇《包青天再起風雲》。