李克勤買車　老婆嗌難頂

【蘋果日報】李克勤今年在港台頒獎禮奪得「金曲40全球傑出歌手獎」，又憑《失魂記》獲得「全國最佳中文歌曲獎」，埋單今年共得14.5個獎項，他於賽後受訪時說：「自己都好開心，因為係收穫豐富嘅一年，多謝公司、fans同阿倫，踢波嗰陣盡量交多啲波畀佢啦！」
歷史味道
問克勤可有買禮物獎勵自己？他自爆：「其實上年3月已經買咗架福士，架車係同我同年紀嘅，早幾日揸咗出街，仲撞到阿徐（徐濠縈），因為架車之前要搞嗰啲牌費保費，9個月之後終於可以揸得喇，好開心！一開門就聞到嗰陣50年歷史嘅味道，鍾意就好鍾意囉，不過我老婆聞到就即刻走呀！仲叫我盡量都唔好要佢坐呢架車，不過男人鍾意嘅嘢好難解釋嘅。貴就唔係好貴，二十幾萬啫。」
採訪：盧妹、馬建華
攝影：陳俊強、葉君海