新聞類別
娛樂
詳情#
【蘋果日報】現年48歲嘅唐文龍，因為喺大台劇嘅一連串床戲兼晒4x吋胸肌而再度人氣急升，亦因為佢高調推動環保事業，而有另一層面嘅人氣，佢最近經常喺自己Instagram貼出自己同環保回收箱嘅合照，提醒網民環保意識。
最近唐文龍去咗日本旅行度假，當地環保意識咁高，唐文龍當然唔會忘記佢推動環保嘅使命，所以連日嚟，都有喺IG貼佢將可循環嘅垃圾，放入適當嘅回收箱嘅相，獲得唔少網民讚好。不過，始終會有啲網民會「突圍」而出……好似唐文龍貼咗張相，話喺千日前（難波地區附近）見到個伯伯，喺4度寒冷天氣下推住一車回收鋁罐同膠樽，唐文龍見狀即刻以伯伯做背景玩自拍：「昨晚『千日前』巧遇真正環保衛者成員！寒冷的晚上，4度，respect，辛苦了你！」不過此舉就引嚟有網民反擊，指責唐文龍只顧自拍同扮環保大使，而冇幫伯伯手推車，仲話唐文龍「虛偽」同「偽人」。
難得唐文龍不動肝火，仲寫咗百幾字嘅回應嗰位網民，唐文龍話：「老伯伯其實是個夜班工作的環境回收工作人員，不知（止）他一個，夜市晚飯忙碌後，通常大部份餐廳都會把一袋袋的已經分類好的塑料瓶和鐵罐類垃圾，放在門口地上，等待回收。所以我沒有自顧自己虛偽地拍照而不顧他的辛苦，請放心，老伯伯在開工。多謝你真誠的批評。^^」
最近唐文龍去咗日本旅行度假，當地環保意識咁高，唐文龍當然唔會忘記佢推動環保嘅使命，所以連日嚟，都有喺IG貼佢將可循環嘅垃圾，放入適當嘅回收箱嘅相，獲得唔少網民讚好。不過，始終會有啲網民會「突圍」而出……好似唐文龍貼咗張相，話喺千日前（難波地區附近）見到個伯伯，喺4度寒冷天氣下推住一車回收鋁罐同膠樽，唐文龍見狀即刻以伯伯做背景玩自拍：「昨晚『千日前』巧遇真正環保衛者成員！寒冷的晚上，4度，respect，辛苦了你！」不過此舉就引嚟有網民反擊，指責唐文龍只顧自拍同扮環保大使，而冇幫伯伯手推車，仲話唐文龍「虛偽」同「偽人」。
難得唐文龍不動肝火，仲寫咗百幾字嘅回應嗰位網民，唐文龍話：「老伯伯其實是個夜班工作的環境回收工作人員，不知（止）他一個，夜市晚飯忙碌後，通常大部份餐廳都會把一袋袋的已經分類好的塑料瓶和鐵罐類垃圾，放在門口地上，等待回收。所以我沒有自顧自己虛偽地拍照而不顧他的辛苦，請放心，老伯伯在開工。多謝你真誠的批評。^^」
回應 (0)
