慶祝入行60周年86歲梁舜燕不言休　胡定欣敬佩

【蘋果日報】梁舜燕（Lily）昨日在旺角舉行壽宴兼慶祝入行60周年，筵開30席，除家人外，盧敏儀夫婦、夏雨、胡定欣、宣萱、胡楓、羅蘭、汪明荃及姚子羚等到賀，修哥送上64年與Lily姐同獲選「最受歡迎男女藝員獎」的剪報作為賀禮。
今天86歲生日的Lily姐自言：「不言休，如果有記性會繼續工作，我鍾意做戲，冇其他嗜好，唔鍾意shopping買嘢、唔打牌。」對於被封「上等人」，Lily姐笑說：「失禮晒，我邊係上等人，我冇階級觀念，但角色身份有錢又着得好靚。」胡楓則說：「剪報主要有我，佢知我有keep住，佢又鍾意咪送畀佢，屋企有好多呢類珍藏，好多都唔捨得畀人。」胡定欣自言非常敬佩Lily姐：「佢好熱愛呢份工作，教我哋後輩有工作就要珍惜把握機會，有工作唔好怨辛苦。」
宣萱慰問舊愛
此外，宣萱舊愛張衞健（Dicky）胞弟張衞彝日前不幸離世，她說：「我冇同Dicky直接聯絡，今日聽到消息，我透過佢之前助手send message慰問，以前拍拖時，佢助手、細佬有時會一齊出嚟，身體嘅嘢好難講，都突然，最緊要佢媽咪OK。」
採訪：王連連
攝影：沈健程