29年前港姐冠軍陳法蓉仲後生過以前？

【蘋果日報】時光飛逝，89年港姐冠軍陳法蓉已經51歲，昨日佢喺微博貼當年的相片緬懷一番，笑言想再選但已超齡：「大掃除除了可以找到珍貴的舊相片，今(昨)天竟然在儲物房找到以為不見了很久很久的香港小姐后冠及權杖，這麼多年後再帶上，很多回憶！超齡了！否則再選一次，想到農曆年朋友到我家來玩，孩子們又多個遊戲，就是扮香港小姐拍照！哈哈！期待期待！」
當年係由88年冠軍李嘉欣為陳法蓉加冕，亞軍朱潔儀、季軍梁佩瑚，三甲都係高質素嘅靚女。睇番啲相，當年嘅陳法蓉個妝都好厚粉，相比現在只化淡妝，重戴后冠手執權杖影嘅新相，雖然年過半百，但面上零皺紋，皮膚依然緊緻白滑兼有光澤，望落好似仲後生咗。網友都留言讚：「一點也不輸給現今的」、「沒有年齡差別」、「舉辦超齡港姐選拔，寶貝一定會拿冠軍的。」