新聞類別
娛樂
詳情#
【蘋果日報】王灝兒（JW）處女紅館騷「Never Too Early2018」前晚開鑼，她的有米男友Tarzan坐在第一行睇騷，着米黃色長裙的JW，在凌空吊起的方形盒子裏登場，一口氣唱出《太空人》及《自由飛翔》後跟觀眾說：「真係好開心今日企喺呢個舞台，我呢世都會記得今晚，記得你哋。」
赤腳唱歌
請了三位男歌手做嘉賓的JW，先跟關楚耀合唱《不該》，之後和dancers合演「水中舞」，施展濕身誘惑，她更除鞋赤腳企上鋼琴唱歌，接着與吳業坤合唱《原來只因深愛著》。其後坤哥和關楚耀合唱《男人信甚麼》，JW笑說：「男人信甚麼好啱你兩個講，因為都係信唔過。」壓軸嘉賓鄭中基與JW拖手合唱《我代你哭》，之後鄭中基抵死問JW在《勁歌》總選上疑似爆粗事件：「聽講你講粗口喎？」JW否認：「我冇呀！」鄭中基鬼馬說：「我本來仲諗住讚你㖭。」JW再笑言：「嗰次冇囉。」鄭中基再抵死說：「真係？我依家入去再聽多次先。」
超蓮撐場
到握手環節，JW落台後情不自禁跟男友說：「握手啦！」Tarzan乖乖地伸手，然後JW興奮指着觀眾席上的好姐妹何超蓮，又公開多謝前老闆黎明。其後唱到《小故事》時，JW感動到邊唱邊喊，哽咽說：「今晚係第一場，亦係最後一場，我已經將所有畀晒你哋，多謝大家俾錢嚟聽我唱歌。」
完騷後JW受訪直言唔夠喉：「花咗好多時間準備，但時間過得好快，好似30分鐘就唱完咁。」問到開一場公司會否蝕錢？她說：「全公司上下淨係想做好呢個騷，即使可能蝕錢大家都唔介意。」問到為何不公開多謝男友？她甜笑說：「呢啲我哋在心中。」
採訪：曹家誠
攝影：沈健程
赤腳唱歌
請了三位男歌手做嘉賓的JW，先跟關楚耀合唱《不該》，之後和dancers合演「水中舞」，施展濕身誘惑，她更除鞋赤腳企上鋼琴唱歌，接着與吳業坤合唱《原來只因深愛著》。其後坤哥和關楚耀合唱《男人信甚麼》，JW笑說：「男人信甚麼好啱你兩個講，因為都係信唔過。」壓軸嘉賓鄭中基與JW拖手合唱《我代你哭》，之後鄭中基抵死問JW在《勁歌》總選上疑似爆粗事件：「聽講你講粗口喎？」JW否認：「我冇呀！」鄭中基鬼馬說：「我本來仲諗住讚你㖭。」JW再笑言：「嗰次冇囉。」鄭中基再抵死說：「真係？我依家入去再聽多次先。」
超蓮撐場
到握手環節，JW落台後情不自禁跟男友說：「握手啦！」Tarzan乖乖地伸手，然後JW興奮指着觀眾席上的好姐妹何超蓮，又公開多謝前老闆黎明。其後唱到《小故事》時，JW感動到邊唱邊喊，哽咽說：「今晚係第一場，亦係最後一場，我已經將所有畀晒你哋，多謝大家俾錢嚟聽我唱歌。」
完騷後JW受訪直言唔夠喉：「花咗好多時間準備，但時間過得好快，好似30分鐘就唱完咁。」問到開一場公司會否蝕錢？她說：「全公司上下淨係想做好呢個騷，即使可能蝕錢大家都唔介意。」問到為何不公開多謝男友？她甜笑說：「呢啲我哋在心中。」
採訪：曹家誠
攝影：沈健程
回應 (0)
