新聞類別
娛樂
詳情#
【蘋果日報】梁詠琪（GiGi）有咗囡囡Sofia後，依家基本上做咗宅婦，冇乜需要都唔願出街，一定留喺屋企陪女。不過佢噚日就喺尖沙嘴出席宣傳預防子宮頸癌活動，透露最近關錦鵬導演嘅新戲《八個女人一台戲》搵咗佢同鄭秀文（Sammi）演出，佢答應咗，戲中佢同Sammi做死對頭，唔知係咪類似《山水有相逢》嗰類戲呢？GiGi表示同Sammi第一次合作係22年前：「嗰時我都未開始唱歌，今次好開心。」
想長命等嫁女
大會準備咗手指公貼紙比喻子宮，GiGi就喺左手手指公印咗女兒Sofia嘅卡通樣：「好得意，紮孖辮㗎！我都有去做子宮頸抹片檢查，有咗小朋友更加驚自己有乜事睇唔到佢成長，我都想睇到佢結婚生仔，我想長命啲。」
問到Sofia可會去探班？GiGi話：「會呀！以前佢知我開工會開心飛吻，依家識扁嘴，可能覺得成日冇得見，唔對路。」又話Sofia噚日朝喺凳跌咗落嚟：「我鬼咁緊張，點知佢喺度狂笑。」
撰文：馮仁昭
想長命等嫁女
大會準備咗手指公貼紙比喻子宮，GiGi就喺左手手指公印咗女兒Sofia嘅卡通樣：「好得意，紮孖辮㗎！我都有去做子宮頸抹片檢查，有咗小朋友更加驚自己有乜事睇唔到佢成長，我都想睇到佢結婚生仔，我想長命啲。」
問到Sofia可會去探班？GiGi話：「會呀！以前佢知我開工會開心飛吻，依家識扁嘴，可能覺得成日冇得見，唔對路。」又話Sofia噚日朝喺凳跌咗落嚟：「我鬼咁緊張，點知佢喺度狂笑。」
撰文：馮仁昭
回應 (0)
