新聞類別
娛樂
詳情#
【蘋果日報】現年40歲嘅陳展鵬涉嫌違反《道路交通條例》，被控喺去年3月15日晚上11時20分，於山頂柯士甸山道公眾停車場咪錶位附近道路，不小心駕駛一輛私家車。案件噚日早上喺東區法院繼續審訊，但陳展鵬未有出庭，現場有數名粉絲到場聽候宣判。事緣係陳展鵬舊年3月做柴可夫司機，諗住帶落選港姐女友單文柔去山頂夜會談心，點知俾記者撞破，佢情急之下開車走嘅時候，涉嫌撞凹記者嘅採訪車。警方喺去年9月發出傳票起訴陳展鵬一項不小心駕駛罪，早前佢否認控罪。
透過律師認罪
陳展鵬噚日就透過代表律師認罪，律師先呈上信件，表示展鵬因為要照顧68歲嘅媽媽，所以唔可以出席應訊，就此致歉。代表律師求情時指陳展鵬自1996年入行，係做大眾極注目嘅工作，講到事發時，因為記者出現拍攝而受驚，意外之後，佢感到十分害怕。代表律師又指陳駕車離開時，有留意倒後鏡情況，意外係因為傳媒採訪車嘅閃光燈令事件發生，請求法官勿判佢停牌，最終法官判罰陳展鵬3,000港元。
陳展鵬被控不小心駕駛認罪後，本報向佢查詢，問覺得判刑係咪合理？佢噚日以短訊回覆：「OK，跟你們（蘋果）意思去做，thanks，辛苦大家。」陳展鵬仲話：「今次最多謝法官，法官有酌情權畀我唔上庭，因為呢幾日對我嚟講時間好重要，時間比任何嘢都重要。希望新一年大家身體健康，一啲唔好嘅嘢、難題同煩腦都能夠解決，個個過得開心。」問到係咪媽媽身體唔舒服？佢話：「多謝大家關心。」
案件編號：ESS34326/2017
撰文：馮仁昭
透過律師認罪
陳展鵬噚日就透過代表律師認罪，律師先呈上信件，表示展鵬因為要照顧68歲嘅媽媽，所以唔可以出席應訊，就此致歉。代表律師求情時指陳展鵬自1996年入行，係做大眾極注目嘅工作，講到事發時，因為記者出現拍攝而受驚，意外之後，佢感到十分害怕。代表律師又指陳駕車離開時，有留意倒後鏡情況，意外係因為傳媒採訪車嘅閃光燈令事件發生，請求法官勿判佢停牌，最終法官判罰陳展鵬3,000港元。
陳展鵬被控不小心駕駛認罪後，本報向佢查詢，問覺得判刑係咪合理？佢噚日以短訊回覆：「OK，跟你們（蘋果）意思去做，thanks，辛苦大家。」陳展鵬仲話：「今次最多謝法官，法官有酌情權畀我唔上庭，因為呢幾日對我嚟講時間好重要，時間比任何嘢都重要。希望新一年大家身體健康，一啲唔好嘅嘢、難題同煩腦都能夠解決，個個過得開心。」問到係咪媽媽身體唔舒服？佢話：「多謝大家關心。」
案件編號：ESS34326/2017
撰文：馮仁昭
回應 (0)
