小室徒弟之名入行陳敏之　「索腿天后」出晒名

【蘋果日報】38歲嘅陳敏之15歲已經做兼職Model，中五畢業之後，喺99年仲成為小室哲哉喺香港嘅五位徒弟之一，繼而入行，喺01年加入埋大台，初期佢都係主持節目，或者飾演閒角，不過最快就成功上位，喺04年拍《下一站彩虹》開始廣為人識，仲獲提名「飛躍進步女藝員」㖭！
除咗樣靚之外，做過Model嘅敏之身材亦係佢嘅招牌，不時成為美容或纖體公司代言人。喺拍劇方面，敏之亦唔介意性感上陣，不過講到最出位，應該就係喺《怒火街頭》中飾演性工作者「索腿天后」何利貞，其中一幕上身只圍毛巾拍攝當街嘅追逐戲非常出位，佢仲憑呢個角色奪得最佳女配角。