余香凝薛凱琪上身

【蘋果日報】余香凝、廖子妤、黃又南和李綺雯前晚到圓方出席《緣來無限期》慈善首映，余香凝穿上薛凱琪（Fiona）品牌的衫，她說：「我好鍾意Fiona，由細已經鍾意，讀書年代係睇佢《學警出更》，我好鍾意模仿佢，啲人話我把聲質地似佢，高音或者低音啲就會似。」
問余香凝的頸會不會好似偶像Fiona一樣長？她說：「都幾長，做啲動作都會靈活啲，鍾意咗佢好耐，以前唔食飯都要買佢CD。依家佢送衫畀我，真係好開心，Fiona仲親筆寫咗幾句畀我，所以我今日即刻着，雖然咁凍，都覺得好warm。」
另外，太子珠寶鐘錶集團主席鄧鉅明談到跟太太的感情，他說：「講太太好開心，同太太緣份天注定，大家欣然接受，對住仔係老師咁，教佢哋要錫父母，教佢哋想佢哋好。」
採訪、攝影：王連連