新聞類別
娛樂
詳情#
【蘋果日報】劉嘉玲在描寫師生戀的電影《以青春的名義》中，首次同時擔任監製及主角，日前她和男主角吳肇軒於金鐘接受訪問，嘉玲說：「做監製係好大挑戰，越來越發覺做電影唔容易，尤其係資金短缺狀況下，好難發揮到最好。監製難做，因為要去拜託人，佢哋都唔收錢，我欠佢哋人情。」
自己好幸運
嘉玲又指眾人的付出都是無價，「阿叔（張叔平）幫我哋剪接，區丁平做美術，輝哥（蔡崇輝）做攝影，全部都冇收錢，當然我都冇收錢，係欠好多人情，但我覺得自己好幸運，呢班睇住我大、陪我成長嘅專業電影工作者，佢哋都係好有心幫助香港電影。」
有份參與選角的嘉玲，最終選了吳肇軒做男主角，她說：「我揀佢係因為佢似後生嘅梁朝偉，佢有憂鬱嘅眼神，好似受咗傷害，好想保護佢，但佢實質生活於幸福家庭，唔知點解有呢種眼神，好適合呢個角色。」
至於下次會否挑戰做導演？嘉玲話：「導演唔易做，要知道晒所有天文地理、藝術、生活品味，所有嘢要有好高體驗，先可以拍到精良嘅戲，唔係人哋寫一個劇本畀我，搵一個專業攝影就當導演，我未有資格做導演，顧唔到。我可以做監製，如果我做監製一定會搵梁朝偉，但要講緣份，唔會友情價，我會畀雙倍佢，在公在私。」
坐低慢慢傾
《以》片講述嘉玲婚姻觸礁、老公出軌，嘉玲坦言：「我唔知我遇到呢啲事會點，我青春時都有猜忌、妒忌、憤怒，打交都有，但慢慢成長，任何嘢都可以坐低慢慢傾，最重要係你有冇心，有冇珍惜呢段情感同對方，有冇好誠實咁面對呢樣嘢先係最重要。」吳肇軒則表示：「我好鍾意嘉玲姐做戲。」對於嘉玲指他似梁朝偉，他直言受寵若驚。
採訪：張俊銘
攝影：沈健程
劉嘉玲
化妝：+0
髮型：Ken Hui
吳肇軒
化妝：BonBon of MOD Makeup Academy
髮型：Ziv of O4 Orient4
自己好幸運
嘉玲又指眾人的付出都是無價，「阿叔（張叔平）幫我哋剪接，區丁平做美術，輝哥（蔡崇輝）做攝影，全部都冇收錢，當然我都冇收錢，係欠好多人情，但我覺得自己好幸運，呢班睇住我大、陪我成長嘅專業電影工作者，佢哋都係好有心幫助香港電影。」
有份參與選角的嘉玲，最終選了吳肇軒做男主角，她說：「我揀佢係因為佢似後生嘅梁朝偉，佢有憂鬱嘅眼神，好似受咗傷害，好想保護佢，但佢實質生活於幸福家庭，唔知點解有呢種眼神，好適合呢個角色。」
至於下次會否挑戰做導演？嘉玲話：「導演唔易做，要知道晒所有天文地理、藝術、生活品味，所有嘢要有好高體驗，先可以拍到精良嘅戲，唔係人哋寫一個劇本畀我，搵一個專業攝影就當導演，我未有資格做導演，顧唔到。我可以做監製，如果我做監製一定會搵梁朝偉，但要講緣份，唔會友情價，我會畀雙倍佢，在公在私。」
坐低慢慢傾
《以》片講述嘉玲婚姻觸礁、老公出軌，嘉玲坦言：「我唔知我遇到呢啲事會點，我青春時都有猜忌、妒忌、憤怒，打交都有，但慢慢成長，任何嘢都可以坐低慢慢傾，最重要係你有冇心，有冇珍惜呢段情感同對方，有冇好誠實咁面對呢樣嘢先係最重要。」吳肇軒則表示：「我好鍾意嘉玲姐做戲。」對於嘉玲指他似梁朝偉，他直言受寵若驚。
採訪：張俊銘
攝影：沈健程
劉嘉玲
化妝：+0
髮型：Ken Hui
吳肇軒
化妝：BonBon of MOD Makeup Academy
髮型：Ziv of O4 Orient4
回應 (0)
