新聞類別
娛樂
詳情#
【蘋果日報】羅家英、衛詩雅、林耀聲、麥長青（麥包）、陳宇琛同楊詩敏（蝦頭），日前喺廣東道拍攝穿越搞笑電影《西謊遊記之唐僧踩錯界》，家英哥喺周星馳《西遊記》系列演過唐三藏，今次就化身唐三哥做茶記老闆，而喺電視劇做過沙僧嘅麥包，今次踩入銀幕做同一角色，其他演員化上妖艷妝聚在一起，妖氣沖天。
張達明探班
拍到深夜，張達明突然現身探班，原來達明碌咗人情卡，搵家英哥客串演自己開拍嘅電影《家和萬事驚》，所以親自回禮支持，家英哥話：「大家好朋友，佢又有病，需要互相鼓勵。佢依家出番嚟拍戲又做話劇，我哋老友記，精神狀態咁好，梗係要支持。」
因為趕戲，家英哥已經連開幾日通宵，佢都話好辛苦：「依家好少拍幾日通宵，套戲好多唔同角色。」今次角色同以前演唐三藏角色冇雷同，而自從《西遊記》後，佢都冇再演過唐三藏，原因是太深入民心，佢唔想再演同一個角色，家英哥話：「戲中會有一下唐三藏出現，呢個我親自演番，送嘅，會同以前同一個tone，但唔會唱歌，到時大家可以集體回憶。」
麥包分別有沙僧、蠱惑仔、金融才俊三個身份，佢話：「幾過癮，但人大咗，好難返去以前感覺，只可以盡量演番當日嘅自己，當時諗嘢比較單純。」
撰文：馮仁昭
張達明探班
拍到深夜，張達明突然現身探班，原來達明碌咗人情卡，搵家英哥客串演自己開拍嘅電影《家和萬事驚》，所以親自回禮支持，家英哥話：「大家好朋友，佢又有病，需要互相鼓勵。佢依家出番嚟拍戲又做話劇，我哋老友記，精神狀態咁好，梗係要支持。」
因為趕戲，家英哥已經連開幾日通宵，佢都話好辛苦：「依家好少拍幾日通宵，套戲好多唔同角色。」今次角色同以前演唐三藏角色冇雷同，而自從《西遊記》後，佢都冇再演過唐三藏，原因是太深入民心，佢唔想再演同一個角色，家英哥話：「戲中會有一下唐三藏出現，呢個我親自演番，送嘅，會同以前同一個tone，但唔會唱歌，到時大家可以集體回憶。」
麥包分別有沙僧、蠱惑仔、金融才俊三個身份，佢話：「幾過癮，但人大咗，好難返去以前感覺，只可以盡量演番當日嘅自己，當時諗嘢比較單純。」
撰文：馮仁昭
回應 (0)
