新聞類別
娛樂
詳情#
【蘋果日報】劉嘉玲監製兼主演、吳肇軒做男主角、新導演譚惠貞執導嘅電影《以青春的名義》，前晚喺圓方舉行首映禮，余香凝、胡子彤同廖子妤等出席，嘉玲主動拖軒仔手影合照。大會司儀叫劉天蘭同嘉玲揀形容詞，形容對余香凝同軒仔嘅感覺，嘉玲揀「勇敢」畀軒仔：「作為演員有咁好嘅起步，會聽到啲妒忌聲音，要勇敢去做，演好自己嘅戲，唔需要理其他人講乜。」劉天蘭就揀「天真」畀余香凝：「佢年輕、青春之外，仲有份單純，最重要有智慧。」
首次做監製嘅嘉玲自稱係超額完成：「合格見得人，我會喬裝入戲院睇觀眾反應，行內人同普羅大眾睇戲嘅感覺好唔同，網上評語都好好。」老公梁朝偉會唔會捧場？嘉玲爆偉仔喺日本儲緊能量，嚟緊要宣傳《捉妖記2》。講到電影同老公打對台戲，嘉玲話：「幾好，可以打情罵俏，我會睇佢部戲，佢成日話自己同自己打，想睇吓佢點打法。」其間，嘉玲突然問軒仔：「你準備好未？」軒仔一頭霧水反問：「準備乜？」嘉玲笑話：「準備紅呀！」搞到軒仔儍笑。
搵自己班底
嘉玲坦言有問軒仔有冇簽經理人：「我想簽新人，仲想一簽就十年，想有自己班底，合作方便啲，其他人可以自薦，我都唔知有乜渠道搵新人，內地好多戲劇學生未畢業已俾人簽晒。我想做多啲本地題材電影，香港電影好似停滯不前，香港人才流失，同政府申請錢做起嚟又綁手綁腳，都係自己投資拍會好啲。」
撰文：馮仁昭
首次做監製嘅嘉玲自稱係超額完成：「合格見得人，我會喬裝入戲院睇觀眾反應，行內人同普羅大眾睇戲嘅感覺好唔同，網上評語都好好。」老公梁朝偉會唔會捧場？嘉玲爆偉仔喺日本儲緊能量，嚟緊要宣傳《捉妖記2》。講到電影同老公打對台戲，嘉玲話：「幾好，可以打情罵俏，我會睇佢部戲，佢成日話自己同自己打，想睇吓佢點打法。」其間，嘉玲突然問軒仔：「你準備好未？」軒仔一頭霧水反問：「準備乜？」嘉玲笑話：「準備紅呀！」搞到軒仔儍笑。
搵自己班底
嘉玲坦言有問軒仔有冇簽經理人：「我想簽新人，仲想一簽就十年，想有自己班底，合作方便啲，其他人可以自薦，我都唔知有乜渠道搵新人，內地好多戲劇學生未畢業已俾人簽晒。我想做多啲本地題材電影，香港電影好似停滯不前，香港人才流失，同政府申請錢做起嚟又綁手綁腳，都係自己投資拍會好啲。」
撰文：馮仁昭
回應 (0)
