小紅姐自譏得老人獎

【蘋果日報】惠英紅昨日在尖沙嘴出席第12屆亞洲電影大獎記者會，她在3月的頒獎禮上將獲頒「卓越亞洲電影人大獎」，開心的小紅姐在台上不忘自製氣氛，搞笑的說：「好開心，呢個係咪老人獎嚟？我唔係好大咋喎，講笑箒，其實我覺得好榮幸。」她自言做得未夠好，其實以後可以培育多點後輩新人。
之後受訪時小紅姐透露暫時未有時間慶祝獲獎：「自己都要工作，可能喺屋企食餐飯。」近兩年經常獲獎，去年贏得金像獎最佳女主角之後，年尾再榮登台灣金馬影后，她認為今趟的獎項跟過往的有點不同，她說：「呢個獎比較特別，我覺得自己要繼續努力。」講到培育新人，她透露有人提議過開班授徒，但小紅姐覺得要想清楚：「因為依家啲人都會開演藝學校，分享自己做過嘅角色，都會考慮點做呢個課程，可以用我個經驗畀大家知道，希望幫到其他演員行少啲。」
採訪：張俊銘
攝影：仇志德