重披嫁衣賀結婚10年蔡少芬：謝謝「極品」張晉

【蘋果日報】10年前嘅昨日，蔡少芬同張晉舉行簡單的婚禮，當時名氣不及蔡少芬嘅張晉坦言：「我等緊呢一日，我執到啦！」
10年後嘅昨日，佢哋兩公婆依然恩愛，羡煞旁人，唯一唔同嘅就係佢哋身邊多咗兩個人，但呢兩人並唔會影響到佢哋嘅感情，反而會令到佢哋感情昇華，呢兩位就係佢哋嘅寶貝囡囡張楚兒同張信兒喇！
昨日張晉同蔡少芬都分別喺佢哋嘅微博貼圖，分享佢哋結婚十周年嘅喜悅，佢哋仲着番10年前嘅禮服，同囡囡一齊影相，真係sweet爆，張晉留言話：「十年前的今天，我娶了你，這十年裏有風、有雨、有彩虹，還有倆搗亂的。十年前的婚纱和禮服，今天還能穿，讓我們保持身材，繼續風雨同路，看看下一個十年還能不能穿」，而蔡少芬就話：「​​​​感謝天父，時間過得太急速了！十年有喜有憂有趣有怒一切一切都是滿滿的愛！如沒有主的恩典，這個家不可能如此繽紛！往後每一日，我們也會繼續堅愛，也謝謝『極品』@张晋max，愛你啊」！