新聞類別
娛樂
詳情#
【蘋果日報】日本流行天后安室奈美惠喺去年9月，佢40歲生日當天，宣佈今年9月16日退出歌壇。
今年係安室入行25周年，佢引退前舉行嘅最後一次巡演「namie amuro Final Tour2018～Finally～」，會喺下個月17日起開始舉行，尾場定於6月3日返到去東京巨蛋舉行，而香港站都公佈咗會喺3月31日假紅館舉行。
據知，安室喺香港一站將有機會加場，暫時計劃3月30日喺紅館加開一場。不過……又唔好開心得太早，事關加場係有原因嘅，就係要遷就舞台設計，演唱會每場座位只得6,000個，即係加多一場，總數都只係得12,000個位，所以安室迷仍然要準備搶飛。
有消息人士透露，今次安室決定加場，係因為製作團隊了解過，紅館嘅設計係四方型，而佢呢次巡迴演唱會嘅舞台設計係長方型，加上成個台機關重重，所以好難遷就場地嘅間格嚟改動，唯一方法係將紅館變為長方型，亦即係將佢收窄，所以就要忍痛cut座位喇！而首次踏入紅館嘅安室，為咗回應香港樂迷嘅期待，唔想只係得6,000個位咁失望，經過商討後打算加場。而有關賣飛詳情，希望快啲公佈啦！
今年係安室入行25周年，佢引退前舉行嘅最後一次巡演「namie amuro Final Tour2018～Finally～」，會喺下個月17日起開始舉行，尾場定於6月3日返到去東京巨蛋舉行，而香港站都公佈咗會喺3月31日假紅館舉行。
據知，安室喺香港一站將有機會加場，暫時計劃3月30日喺紅館加開一場。不過……又唔好開心得太早，事關加場係有原因嘅，就係要遷就舞台設計，演唱會每場座位只得6,000個，即係加多一場，總數都只係得12,000個位，所以安室迷仍然要準備搶飛。
有消息人士透露，今次安室決定加場，係因為製作團隊了解過，紅館嘅設計係四方型，而佢呢次巡迴演唱會嘅舞台設計係長方型，加上成個台機關重重，所以好難遷就場地嘅間格嚟改動，唯一方法係將紅館變為長方型，亦即係將佢收窄，所以就要忍痛cut座位喇！而首次踏入紅館嘅安室，為咗回應香港樂迷嘅期待，唔想只係得6,000個位咁失望，經過商討後打算加場。而有關賣飛詳情，希望快啲公佈啦！
回應 (0)
