孖老公做Gym放閃　盧巧音自爆曾因做運動太激險沒命

【蘋果日報】廣告slogan都有話「日日運動身體好」，主力做人妻嘅盧巧音（Candy）平日除咗照顧Band友老公、樂隊Kolor主音Sammy外，閒時都會去做運動，有時仲會孖住老公一齊做Gym。昨日Candy更新咗Instagram，係佢同老公去做gym時對鏡selfie，Candy仲講到無論天氣如何、心情點樣、工作忙定壓力大，都應該盡量抽時間去做運動，Candy更引述咗自己同朋友嘅一段對話，嚟加強佢覺得做運動嘅重要性。
不過，Candy自爆重視健康嘅原因，係因為3年前第一次做完HIIT（高強度間歇訓練）後，因為腳板底劇痛，所以瞓醒落唔到床，又試過喺band房做完運動太激，而搞到差啲冇命，所以令佢下定決心要努力經營自己嘅健康。而Candy更覺得，希望健康啲，等自己老咗都唔使麻煩人。
聽到Candy講到差啲冇命，實在個心離一離，o依家精靈健康就乜都抵番晒！