新聞類別
娛樂
詳情#
【蘋果日報】今次Eason在戲中飾演動作巨星，有不少動作場面，他說：「要用真力，同埋要識得放，我拍咗呢套戲之後，好欣賞啲動作演員，我寧願俾人打，因為俾人打只係要做反應，做打人嗰個要好用力，同節奏都好重要。」
谷德昭錫番
Eason表示接拍是因做了兩年演唱會巡演，想有新刺激。他又自爆今次拍戲拍到喊：「拍拍吓我要離開兩個星期，去拍《中國好聲音》，再埋位拍嘅時候，發現導演唔愛我，只係愛李榮浩，佢做乜嘢導演都係咁笑，我自己就吃力不討好，我同導演講嗰時都邊講邊喊。」他表示那一刻覺得自己不夠好，情緒慢慢累積加上年紀大，人變得更加感性，所以在鏡頭外流淚，事後亦有跟有份演出的劉浩龍等談起。
身旁的導演谷德昭即時插嘴澄清：「好有情愛嘅感覺，不過Eason可能好耐冇做喜劇，佢嘅標準係睇我收唔收貨，加上佢離開咗一段時間，李榮浩係新人，我要畀多啲信心佢，係Eason諗多咗。」說完更咀了Eason一下。谷德昭講到Eason拍之前兩星期，要接受洪天祥訓練，先拍打戲，讓他之後舒服一點。
李榮浩易畫
海報師阮大勇今趟為《臥》片再執筆，他笑言李榮浩較易畫：「李榮浩畫到隻眼細啲就似，但係陳奕迅就好難，樣樣嘢都好平均，不過今次見到真人，原來陳奕迅對眼好大好有神。」另外，家棟自言亦試過類似經驗，因情緒跟着角色走，未必關二人爭寵：「導演錫你先逼到你喊，受得住咪得囉。」
採訪：黃曉妍
攝影：仇志德
谷德昭錫番
Eason表示接拍是因做了兩年演唱會巡演，想有新刺激。他又自爆今次拍戲拍到喊：「拍拍吓我要離開兩個星期，去拍《中國好聲音》，再埋位拍嘅時候，發現導演唔愛我，只係愛李榮浩，佢做乜嘢導演都係咁笑，我自己就吃力不討好，我同導演講嗰時都邊講邊喊。」他表示那一刻覺得自己不夠好，情緒慢慢累積加上年紀大，人變得更加感性，所以在鏡頭外流淚，事後亦有跟有份演出的劉浩龍等談起。
身旁的導演谷德昭即時插嘴澄清：「好有情愛嘅感覺，不過Eason可能好耐冇做喜劇，佢嘅標準係睇我收唔收貨，加上佢離開咗一段時間，李榮浩係新人，我要畀多啲信心佢，係Eason諗多咗。」說完更咀了Eason一下。谷德昭講到Eason拍之前兩星期，要接受洪天祥訓練，先拍打戲，讓他之後舒服一點。
李榮浩易畫
海報師阮大勇今趟為《臥》片再執筆，他笑言李榮浩較易畫：「李榮浩畫到隻眼細啲就似，但係陳奕迅就好難，樣樣嘢都好平均，不過今次見到真人，原來陳奕迅對眼好大好有神。」另外，家棟自言亦試過類似經驗，因情緒跟着角色走，未必關二人爭寵：「導演錫你先逼到你喊，受得住咪得囉。」
採訪：黃曉妍
攝影：仇志德
回應 (0)
