新聞類別
娛樂
詳情#
【蘋果日報】梁朝偉及白百合主演、許誠毅執導的《捉妖記2》將於賀歲檔在香港上映。昨日偉仔在灣仔為電影宣傳，現場還有在片中出現的精靈笨笨及胡巴，而曾與偉仔主持兒童節目的譚玉瑛，就擔任司儀，譚玉瑛更在台上與偉仔玩自拍。坐在台下的趙哲妤、郭思琳及莊思敏則隔空合照。
北海道未玩夠
在戲中演電眼賭徒的偉仔，被譚玉瑛問到如何發新年財？他笑言：「過年都好似人哋家家戶戶咁玩吓麻雀同撲克，我年年都贏，我嘅理論係唔好玩太耐，輸贏都好幾分鐘就走，呢個係我秘訣。」偉仔指很久沒出席戶外宣傳活動，印象中對上一次已是《無間道》，他說：「今次宣傳好開心，希望多啲機會喺香港同大家見面，但平時又唔會無啦啦走出嚟。」
偉仔昨日以一頭skinhead現身，他說：「因為容易打理，去滑雪、滑水都方便，有時滑雪食晏除低頂帽，個頭就扁晒，人哋叫影相，我又唔好意思唔影，所以今年出去滑雪前決定剃咗佢，乾淨利落。」他表示早前去北海道滑雪：「嘉玲要下一次先可以去，今年我哋會喺香港過年，自己每年都去咗滑雪，媽咪又去唔到雪地，加上今年嘉玲要拍劇到2月，自己都好心急，想再返去北海道滑雪，只係玩咗少少未玩夠。」
「諗法隨時會變」
同場譚玉瑛對於已婚報道，她說：「第日結婚我要宣佈一下。」問到是否只欠簽一紙婚書？她笑說：「我依家好開心，你哋睇得出㗎，總之現時生活好開心，一切滿意，一切都係自己選擇冇人逼。」再問她會否行多步去結婚？她沒好氣說：「你哋好似老人家，人嘅諗法隨時會變，我唔知道。」
採訪：卓寶花
攝影：陳慧安
北海道未玩夠
在戲中演電眼賭徒的偉仔，被譚玉瑛問到如何發新年財？他笑言：「過年都好似人哋家家戶戶咁玩吓麻雀同撲克，我年年都贏，我嘅理論係唔好玩太耐，輸贏都好幾分鐘就走，呢個係我秘訣。」偉仔指很久沒出席戶外宣傳活動，印象中對上一次已是《無間道》，他說：「今次宣傳好開心，希望多啲機會喺香港同大家見面，但平時又唔會無啦啦走出嚟。」
偉仔昨日以一頭skinhead現身，他說：「因為容易打理，去滑雪、滑水都方便，有時滑雪食晏除低頂帽，個頭就扁晒，人哋叫影相，我又唔好意思唔影，所以今年出去滑雪前決定剃咗佢，乾淨利落。」他表示早前去北海道滑雪：「嘉玲要下一次先可以去，今年我哋會喺香港過年，自己每年都去咗滑雪，媽咪又去唔到雪地，加上今年嘉玲要拍劇到2月，自己都好心急，想再返去北海道滑雪，只係玩咗少少未玩夠。」
「諗法隨時會變」
同場譚玉瑛對於已婚報道，她說：「第日結婚我要宣佈一下。」問到是否只欠簽一紙婚書？她笑說：「我依家好開心，你哋睇得出㗎，總之現時生活好開心，一切滿意，一切都係自己選擇冇人逼。」再問她會否行多步去結婚？她沒好氣說：「你哋好似老人家，人嘅諗法隨時會變，我唔知道。」
採訪：卓寶花
攝影：陳慧安
回應 (0)
