周國賢想Zarahn再合體

【蘋果日報】周國賢前晚在旺角舉行「銀河鐵道之夜演唱會」尾場，獲父母捧場，而前樂隊Zarahn三位隊友亦壓軸現身上台獻唱，現場氣氛熱烈。周國賢說：「今次part2好快就完咗，part3要等我唞唞，兩個演唱會中間隔咗一個月，好想食嘢同打邊爐都唔敢，好期待打邊爐，依家收爐喇！過年後有新工作計劃，新工作計劃前會同家人去旅行，想去新西蘭，不過新年前啲機票都好黃金，要諗一諗。」
至於Zarahn再度合體，周國賢說：「對上一次同台係2012年，鼓手Jerry去咗炒股，之後做咗飛機師，佢大佬Joey係潮州酒家太子爺，佢哋都好難夾時間，都想Zarahn再開一次演唱會。」
採訪：盧妹
攝影：陳慧安