王浩信咀陳自瑤慶祝

【蘋果日報】出爐視帝王浩信昨日在中環出席植物蛋發佈會，他表示該活動是封帝前接下，未有加價。對於女兒前晚由祖母陪同到頒獎禮現場，太太陳自瑤則留在家中，他解釋：「太太嚟會搶fo，我想小朋友喺低調環境睇到爸爸嘅努力，唔想有人影。」心中有數知自己捧獎？他說：「唔係，如果有獎嘅話，我希望囡囡上呢一課，係監製教我，畀囡囡知道努力係有回報同滿足感。噚晚返到去，同太太傾咗幾句就瞓。」有沒有攬錫一下？他冧笑：「呢啲一定有。」
提到汪明荃代表捧「50周年光輝獎」時，講及希望無綫「山頭文化少啲啲」，王浩信說：「我唔係好理解乜叫山頭文化，我反而着重演員嘅配套同支持，收入同休息時間係絕對影響我哋，我希望公司多啲關注。」
採訪：黃曉妍
攝影：林賓尼