【馮仁昭四圍超】袁文傑揀戒指求婚

【蘋果日報】謝雪心同袁文傑噚日喺機場富豪酒店出席保良局活動，傑仔大受長者歡迎，佢話上年有好成績已當攞獎，又話工作多咗，收入亦都成正比。問到點樣獎勵自己？佢話先獎女友張潔蓮：「當我唔得閒時，佢幫我湊貓貓，要陪我媽咪飲茶，佢好抵錫。」
傑仔自爆準備求婚，心大心細揀戒指，希望今年內結婚。問到係咪趁情人節求婚？佢話要保持神秘。
撰文：馮仁昭