EYT杜平有傾合作

【蘋果日報】無綫當年王牌綜藝節目《歡樂今宵》（EYT）一班演員杜平、吳麗珠、丁羽和寇鴻萍等，聯同《歡樂今宵》之父蔡和平現身撐亞視。已移民澳洲多年的杜平，被問到是否返港支持吳雨？他說：「一半一半啦！」珠姐就很開心可以跟大家聚會：「台前幕後全部都係《EYT》嘅人，證明《EYT》仲係長青，都仲做得。」
問到兩人會否跟亞視有合作？杜平表示：「有傾過㗎！節目呀，甚至拍劇兩邊都有傾過。我呢個年紀，最緊要時間配合，同自己有冇興趣，大哥（吳雨）嘅精神令我好佩服，9個月前已經開始同大哥經常接觸，知道佢一直以嚟嘅工作。」珠姐透露之前參加《百萬富翁》慈善版，但其他合作就要睇時間配合。