新聞類別
娛樂
詳情#
【蘋果日報】熄機一年多的亞視昨日終於復播，雖然開台即遇阻滯，身為啟播禮司儀兼重頭節目《百萬富翁》主持陳志雲，因重感冒而臨時缺席，但昨日逾千嘉賓包括昔日無綫藝人到賀，又有林子祥（阿Lam）打頭陣及韓星南太鉉、蘇永康和任賢齊表演，場面熱鬧。席間行政總裁吳雨透露亞視App登上apple store首位，App上月至昨日瀏覽數字有700萬，喜事連連。
擁有60年歷史的亞視前年4月熄機後，昨日終於借手機App和OTT網上平台復播，昨晚6時直播大埔亞視總台舉行的酒會後，再於晚上7至10時舉行啟播禮。原本亞視重頭節目《百萬富翁》主持陳志雲，昨晚與朱慧珊、王喜、向海嵐、曾華倩等擔任啟播禮司儀，但志雲因重感冒缺席。由於亞視上月宣佈重拍經典劇《我和殭屍有個約會》後，FOX旗下的福斯傳媒集團發聲明表示大前年已買下該劇版權，而亞視以2,000萬購入范冰冰主演劇集《巴清傳》（原名《贏天下》）香港同步播映權，又遲遲未能播出，加上志雲病倒，令亞視開台倍添阻滯。
App登上首位
幸好昨日啟播禮有逾千嘉賓到賀，包括夏春秋、王維基、邱達昌及一班前無綫藝人包括樂瞳、陳彥行、余慕蓮、杜平、盧慶輝等，又有林子祥、韓星南太鉉、蘇永康和任賢齊擔任表演嘉賓，場面熱鬧逼爆亞視錄影廠，對比昔日壽包掟空凳完全兩個世界。
啟播禮昨晚由王喜、梁思浩、李麗蕊和陳彥行等表演打鼓，之後醒獅表演，及由樂瞳和陳宇琛歌舞後，由亞視投資方代表鄧俊杰、行政總裁吳雨及營運總裁區偉林主持啟播亮燈，整個節目更跟足無綫台慶起用生日歌作背景音樂贈興。
朱慧珊和劉錫賢受訪時，被問到志雲病倒可覺出師不利？劉錫賢說：「我同珊姐喺亞視咁多年，有乜嘢發生都有我哋頂住。」珊姐亦謂：「做咗亞視咁耐，有乜大場面未見過。」吳雨就透露有喜事公佈：「亞視電視App上咗apple store第一位，係一個好好開台禮物，第二份係12月18日到今日，瀏覽數字有700萬，好多人睇財經、《百萬富翁》同試播，成績好好。」
首年投資4億
志雲昨日透過WhatsApp回應：「很希望能夠出席亞洲電視數碼媒體今晚的啟動禮，可惜身體不適，未能現場見證這別具意義的一刻，惟有在家中收看盛會。」亞視上月開記招宣佈復播，並在首年投資逾4億港元，昨日見亞視廣告不絕，分分鐘「翻身有望」。
昨晚表演嘉賓阿Lam打頭陣唱《十分十二吋》炒熱氣氛，唱完後說：「我細細個已經睇亞視，好開心亞視返嚟喇。」唱壓軸的任賢齊（小齊），被問到旗下藝人梁漢文（Edmond）日前涉醉駕，小齊表示：「見到Edmond好後悔，佢喺我眼中係好好嘅人，只係飲得太開心箒。」可有勸Edmond以後少飲酒？他說：「飲酒本身唔係壞事，但一定要記住唔可以揸車，控制能力真係會差啲，Edmond都諗住用努力補救過錯，睇吓佢以後嘅行為係點，大家再決定去接受番佢。」
之前小齊表示會幫Edmond入紙申請紅館騷，現會否抽起？小齊尷尬表示：「依家公司討論緊，之前佢拍咗部劇表現好好，真係未知點決定，唔知係扣幾多分定有乜懲罰，不過真係暫停咗佢好多工作，佢都好後悔，應承會做多啲正面嘢，證明自己知錯能改。」
採訪：盧妹、黃曉妍
攝影：林賓尼
擁有60年歷史的亞視前年4月熄機後，昨日終於借手機App和OTT網上平台復播，昨晚6時直播大埔亞視總台舉行的酒會後，再於晚上7至10時舉行啟播禮。原本亞視重頭節目《百萬富翁》主持陳志雲，昨晚與朱慧珊、王喜、向海嵐、曾華倩等擔任啟播禮司儀，但志雲因重感冒缺席。由於亞視上月宣佈重拍經典劇《我和殭屍有個約會》後，FOX旗下的福斯傳媒集團發聲明表示大前年已買下該劇版權，而亞視以2,000萬購入范冰冰主演劇集《巴清傳》（原名《贏天下》）香港同步播映權，又遲遲未能播出，加上志雲病倒，令亞視開台倍添阻滯。
App登上首位
幸好昨日啟播禮有逾千嘉賓到賀，包括夏春秋、王維基、邱達昌及一班前無綫藝人包括樂瞳、陳彥行、余慕蓮、杜平、盧慶輝等，又有林子祥、韓星南太鉉、蘇永康和任賢齊擔任表演嘉賓，場面熱鬧逼爆亞視錄影廠，對比昔日壽包掟空凳完全兩個世界。
啟播禮昨晚由王喜、梁思浩、李麗蕊和陳彥行等表演打鼓，之後醒獅表演，及由樂瞳和陳宇琛歌舞後，由亞視投資方代表鄧俊杰、行政總裁吳雨及營運總裁區偉林主持啟播亮燈，整個節目更跟足無綫台慶起用生日歌作背景音樂贈興。
朱慧珊和劉錫賢受訪時，被問到志雲病倒可覺出師不利？劉錫賢說：「我同珊姐喺亞視咁多年，有乜嘢發生都有我哋頂住。」珊姐亦謂：「做咗亞視咁耐，有乜大場面未見過。」吳雨就透露有喜事公佈：「亞視電視App上咗apple store第一位，係一個好好開台禮物，第二份係12月18日到今日，瀏覽數字有700萬，好多人睇財經、《百萬富翁》同試播，成績好好。」
首年投資4億
志雲昨日透過WhatsApp回應：「很希望能夠出席亞洲電視數碼媒體今晚的啟動禮，可惜身體不適，未能現場見證這別具意義的一刻，惟有在家中收看盛會。」亞視上月開記招宣佈復播，並在首年投資逾4億港元，昨日見亞視廣告不絕，分分鐘「翻身有望」。
昨晚表演嘉賓阿Lam打頭陣唱《十分十二吋》炒熱氣氛，唱完後說：「我細細個已經睇亞視，好開心亞視返嚟喇。」唱壓軸的任賢齊（小齊），被問到旗下藝人梁漢文（Edmond）日前涉醉駕，小齊表示：「見到Edmond好後悔，佢喺我眼中係好好嘅人，只係飲得太開心箒。」可有勸Edmond以後少飲酒？他說：「飲酒本身唔係壞事，但一定要記住唔可以揸車，控制能力真係會差啲，Edmond都諗住用努力補救過錯，睇吓佢以後嘅行為係點，大家再決定去接受番佢。」
之前小齊表示會幫Edmond入紙申請紅館騷，現會否抽起？小齊尷尬表示：「依家公司討論緊，之前佢拍咗部劇表現好好，真係未知點決定，唔知係扣幾多分定有乜懲罰，不過真係暫停咗佢好多工作，佢都好後悔，應承會做多啲正面嘢，證明自己知錯能改。」
採訪：盧妹、黃曉妍
攝影：林賓尼
回應 (0)
