新聞類別
娛樂
詳情#
【蘋果日報】無綫新聞部前主播陳珍妮（Jenny），大前年殺入書展出版《TVB新聞部血淚史》大爆當年做主播辛酸同新聞部陰暗面。不時都喺社交網分享生活點滴嘅佢，上年喺社交平台上載身處巴黎嘅相，見佢左手中指戴上大大粒鑽石戒指，仲留言：「點會有人求婚前後瞓覺？就是他了。落機冇耐，攰到喊又送花又飲酒然後醉到瞓着，開場白1999好彩仲記得單膝下跪。其他港女拍枱走咗啦，見係你，又喺巴黎，應承你啦。」
「要儲多啲錢」
上年求婚，原來Jenny嘅婚期已經到咗，噚日致電Jenny恭喜，佢透露老公姓王，英文名叫Ricky。問佢婚禮係咪好多感動位？佢就話：「都有呀，因為得到好多朋友祝賀，但自己只係眼濕濕，如果我真係喊，就會收唔到聲。」
相中所見，Jenny身形明顯有啲圓潤，問到係咪雙喜臨門？佢即撒嬌話：「我邊有肥咗呀？影相角度箒。」佢話暫時未打算生小朋友，笑言：「依家生仔太貴喇，好難養，要儲多啲錢先，暫時距離目標都有啲時間。」
撰文：馮仁昭
「要儲多啲錢」
上年求婚，原來Jenny嘅婚期已經到咗，噚日致電Jenny恭喜，佢透露老公姓王，英文名叫Ricky。問佢婚禮係咪好多感動位？佢就話：「都有呀，因為得到好多朋友祝賀，但自己只係眼濕濕，如果我真係喊，就會收唔到聲。」
相中所見，Jenny身形明顯有啲圓潤，問到係咪雙喜臨門？佢即撒嬌話：「我邊有肥咗呀？影相角度箒。」佢話暫時未打算生小朋友，笑言：「依家生仔太貴喇，好難養，要儲多啲錢先，暫時距離目標都有啲時間。」
撰文：馮仁昭
回應 (0)
