新聞類別
娛樂
詳情#
【蘋果日報】現年67歲、入行52年的資深演員黃文慧（Bonnie姐），最近和邵音音替奇妙電視拍攝真人騷《使乜驚大兩Gen》，節目幫她圓夢舉行大型婚禮，還安排90後小鮮肉吳智杰陪她行禮，嫲孫戀開花結果，由邵音音負責證婚兼做新奶奶，這一集將於下月尾在奇妙77台播出。
余慕蓮搶花球
婚禮日前在九龍塘舉行，鄧月平、鄺芷凡及余慕蓮做伴娘，邵音音見證「一對新人」進場，進行宣誓、交換戒指、切蛋糕及合巹交杯，最後當然不少得重頭咀嘴環節，黃文慧和吳智杰應台下兄弟姊妹要求咀足5秒，拋花球環節就由余慕蓮搶到。
Bonnie姐受訪時多謝台前幕後工作人員，「我一直都好感恩好開心，但有啲遺憾呢一生人仲未着過婚紗、未結過婚，所以今次我要嫁咗佢，唔好嘥咗青春年華。」
從不抗拒愛情
對於多年來未有結婚，Bonnie姐說：「我哋呢代人，年輕時為事業搏殺，不經不覺依家都幾十歲，後生一輩未必會明我哋當年，我覺得機會嚟到就要把握，但我當年掛住工作失去好多機會，做女人應該做嘅，例如結婚生仔組織家庭我都錯過咗。」
問Bonnie姐現在有理想對象出現，會否考慮接受？她說：「我從來冇抗拒，不過對呢方面一啲都唔敏感，朋友話我有眼無珠，有啱對象都睇唔清楚。」「新郎」吳智杰則說：「雖然我哋隔咗唔止兩個generation，但節目入面我哋講玩講食，要佢哋用交友App識人，都玩得好投入。」
音音姐則抵死向「新抱」訓話：「做人新抱記得要服侍得奶奶舒舒服服，每日記住做兩件事，就係每朝幫我倒痰罐，每晚同我洗腳按腳，娶到你我好放心，因為包保你唔會紅杏出牆。」
採訪：曹家誠
攝影：沈健程
余慕蓮搶花球
婚禮日前在九龍塘舉行，鄧月平、鄺芷凡及余慕蓮做伴娘，邵音音見證「一對新人」進場，進行宣誓、交換戒指、切蛋糕及合巹交杯，最後當然不少得重頭咀嘴環節，黃文慧和吳智杰應台下兄弟姊妹要求咀足5秒，拋花球環節就由余慕蓮搶到。
Bonnie姐受訪時多謝台前幕後工作人員，「我一直都好感恩好開心，但有啲遺憾呢一生人仲未着過婚紗、未結過婚，所以今次我要嫁咗佢，唔好嘥咗青春年華。」
從不抗拒愛情
對於多年來未有結婚，Bonnie姐說：「我哋呢代人，年輕時為事業搏殺，不經不覺依家都幾十歲，後生一輩未必會明我哋當年，我覺得機會嚟到就要把握，但我當年掛住工作失去好多機會，做女人應該做嘅，例如結婚生仔組織家庭我都錯過咗。」
問Bonnie姐現在有理想對象出現，會否考慮接受？她說：「我從來冇抗拒，不過對呢方面一啲都唔敏感，朋友話我有眼無珠，有啱對象都睇唔清楚。」「新郎」吳智杰則說：「雖然我哋隔咗唔止兩個generation，但節目入面我哋講玩講食，要佢哋用交友App識人，都玩得好投入。」
音音姐則抵死向「新抱」訓話：「做人新抱記得要服侍得奶奶舒舒服服，每日記住做兩件事，就係每朝幫我倒痰罐，每晚同我洗腳按腳，娶到你我好放心，因為包保你唔會紅杏出牆。」
採訪：曹家誠
攝影：沈健程
回應 (0)
