新聞類別
娛樂
詳情#
【蘋果日報】【最港電影大獎 黃百鳴系列之6 黑暗歲月】黃百鳴論盡香港電影黃金十年，在逢片必賺的年代，最終吸引了黑社會來分一杯羹，居然有賊人持槍搶片。
92年黃百鳴完成賀歲片《家有囍事》，他說：「套戲拍好準備排過年，有一晚準備休息嘅時候，沖印廠嘅人打嚟『老闆，好大鑊』，原來有三個蒙面賊拎住手槍衝入沖片廠，當時沖片廠只有一個剪片師喺度做緊嘢。三個賊講明唔係嚟劫錢，係劫《家有囍事》嘅底片，個剪片師嚇到手都震埋。」
補戲警察保護
當時底片就在剪片師腳底，更寫着《家有囍事》，黃百鳴指可能三名賊人太緊張，只識用槍指住剪片師個頭問：「喺邊度？」之後在過萬呎廠房尋找，黃百鳴笑說：「後嚟佢哋搵到裏面有間房鎖住，衝咗入去，見到枱上面有三個好精緻嘅鐵盒寫住《家有囍事》，其實係沖咗第一次嘅毛片，原來真係有鬼揞眼。」
事後《家》片補拍槍戰結尾，因為發生過持械搶菲林，補戲時一班警察包圍了拍攝現場，此事同時引發了演藝界人參與「反暴力大遊行」。而《家》片最後香港票房大收4,899萬元。
盜版打擊產量
另外，午夜場成為盜版VCD的翻拍現場，所以後來很多電影都不上午夜場，黃百鳴說：「喺商場啲人大搖大擺飲完茶去買十隻八隻盜版，啲人開始唔去戲院睇戲，睇盜版，於是就有99年第二次嘅大遊行，名為『反盜版大遊行』。」電影產量由90年代每年300部，跌到得4、50部，戲院座位亦由高峯時14萬個，到依家不足4萬，都係拜盜版所害。」
採訪：陳月媚
攝影：陳俊強
由《蘋果動新聞》和娛樂版舉辦的「最港電影大獎」現正接受讀者投票，選出心目中的最「港」之選，包括最港電影、最港男、女演員等，截止日期為2月21日。賽果將於《蘋果動新聞》和娛樂版揭曉。
「最港電影大獎」投票網址http://bit.ly/thekongestfilmawards
92年黃百鳴完成賀歲片《家有囍事》，他說：「套戲拍好準備排過年，有一晚準備休息嘅時候，沖印廠嘅人打嚟『老闆，好大鑊』，原來有三個蒙面賊拎住手槍衝入沖片廠，當時沖片廠只有一個剪片師喺度做緊嘢。三個賊講明唔係嚟劫錢，係劫《家有囍事》嘅底片，個剪片師嚇到手都震埋。」
補戲警察保護
當時底片就在剪片師腳底，更寫着《家有囍事》，黃百鳴指可能三名賊人太緊張，只識用槍指住剪片師個頭問：「喺邊度？」之後在過萬呎廠房尋找，黃百鳴笑說：「後嚟佢哋搵到裏面有間房鎖住，衝咗入去，見到枱上面有三個好精緻嘅鐵盒寫住《家有囍事》，其實係沖咗第一次嘅毛片，原來真係有鬼揞眼。」
事後《家》片補拍槍戰結尾，因為發生過持械搶菲林，補戲時一班警察包圍了拍攝現場，此事同時引發了演藝界人參與「反暴力大遊行」。而《家》片最後香港票房大收4,899萬元。
盜版打擊產量
另外，午夜場成為盜版VCD的翻拍現場，所以後來很多電影都不上午夜場，黃百鳴說：「喺商場啲人大搖大擺飲完茶去買十隻八隻盜版，啲人開始唔去戲院睇戲，睇盜版，於是就有99年第二次嘅大遊行，名為『反盜版大遊行』。」電影產量由90年代每年300部，跌到得4、50部，戲院座位亦由高峯時14萬個，到依家不足4萬，都係拜盜版所害。」
採訪：陳月媚
攝影：陳俊強
由《蘋果動新聞》和娛樂版舉辦的「最港電影大獎」現正接受讀者投票，選出心目中的最「港」之選，包括最港電影、最港男、女演員等，截止日期為2月21日。賽果將於《蘋果動新聞》和娛樂版揭曉。
「最港電影大獎」投票網址http://bit.ly/thekongestfilmawards
回應 (0)
