新聞類別
娛樂
詳情#
【蘋果日報】台灣名模林志玲早前演出導演鄭保瑞執導嘅賀歲片《西遊記．女兒國》，喺片中飾演河神，雖然一直冇交代林志玲角色嘅性別，但佢同演女兒國國師嘅梁詠琪就有一段情，仲因為咁導致河神大鬧女兒國。而原定林志玲會喺後日同《女兒國》嘅大隊出發，去北京出席電影首映禮，之後喺6號就返香港宣傳，做訪問兼現身首映，然後再馬不停蹄到內地宣傳。
冇透露病情
不過前晚投資《女兒國》一片嘅星皓影業公司，就接到林志玲經理人Julia通知，話林志玲因為病咗，唔可以出席《女兒國》嚟緊嘅一連串宣傳活動，星皓嘅發言人陳小姐話：「噚晚收到林志玲經理人電話，話志玲身體好唔舒服，嚟緊一、兩個月工作全部都要取消，好抱歉，包括宣傳都唔可以參加。詳細情況冇追問，希望佢早日康復，要保重注意身體。」陳小姐話志玲方面冇特別透露病情，但既然身體唔舒服，當然要以健康為上，據知林志玲目前喺屋企卧床休養中。
撰文：馮仁昭
冇透露病情
不過前晚投資《女兒國》一片嘅星皓影業公司，就接到林志玲經理人Julia通知，話林志玲因為病咗，唔可以出席《女兒國》嚟緊嘅一連串宣傳活動，星皓嘅發言人陳小姐話：「噚晚收到林志玲經理人電話，話志玲身體好唔舒服，嚟緊一、兩個月工作全部都要取消，好抱歉，包括宣傳都唔可以參加。詳細情況冇追問，希望佢早日康復，要保重注意身體。」陳小姐話志玲方面冇特別透露病情，但既然身體唔舒服，當然要以健康為上，據知林志玲目前喺屋企卧床休養中。
撰文：馮仁昭
回應 (0)
