子華嘟姐唇槍舌劍

【蘋果日報】黃子華和佘詩曼昨到商台接受嘟姐鄭裕玲節目《口水多過浪花》訪問宣傳新戲《棟篤特工》，子華未到場先在社交網站拍片謂大塞車遲到，還預告會被嘟姐鬧，結果子華和嘟姐在節目內不停互窒，子華說：「呢啲係大家嘅化學作用，好朋友先會咁樣。」阿佘則撐子華：「從來未見過佢遲到，今次係意外。」


子華透露今次請到許冠文、鄭秀文、楊千嬅及譚詠麟等客串：「好多謝佢哋捱義氣，呢套係賀歲片，唔係圍威喂電影，每個客串演出都符合劇情。尤其係許冠文肯客串，簡直不可思議，因為佢唔似周潤發可以野生捕獲，請到佢嚟好榮幸。」另外，子華特別拍攝小電影《賀歲片》來宣傳，而《賀歲片》是12年《旋風腿》的後續，講述男主角暴斃，子華要諗計將一部預計沒有人睇的垂死賀歲片，轉化為一部笑死人的賀歲片。


採訪：曹家誠