新聞類別
娛樂
詳情#
【蘋果日報】黃子華、佘詩曼、農夫的C君及專家Dickson昨日在荃灣宣傳賀歲片《棟篤特工》，大會安排他們跟扮演女僕的現場觀眾一齊行catwalk，子華笑C君跟玩遊戲的觀眾有夫妻相，C君說：「曾經去過女僕餐廳，男僕都去過，對方跪喺度幫我落單，好唔好意思。」
憎唱主題曲
子華主唱的《男親女愛》主題曲紅極一時，但他竟自爆一向都不喜歡唱主題曲，今次監製邀請他唱，他亦一口拒絕，子華說：「監製叫我唱，我即刻話我好憎唱，呢部戲嘅質素唔應該搵我唱，但原來已經作好晒曲詞，準備好晒，音樂總監坐我背後，我當時非常尷尬，原來係欣宜唱，我只係搞吓笑就OK。」他表示唱歌方面，對自己要求好客觀，覺得非常適合才會願意唱，所以要他開金口是一件難事，他說：「今次填詞嘅係一個女仔，佢中英文都填得好勁，多謝欣宜唱首歌。」
電影是蕭定一公司投資，因蕭定一跟TVB有官司糾紛，所以電影不能到TVB平台宣傳，子華說：「多年前，我每次做棟篤笑，TVB都咁啱播我啲劇，朋友話TVB錫我幫我宣傳，我同人講冇夾定。後尾我做騷冇劇播，做人最後都係靠自己，你唔得邊個都幫你唔到。」阿佘則表示：「官司係公司同公司之間嘅事，對我冇直接影響，今次係電影嚟，最緊要大家買飛入場，我對子華有信心。」
C君撐陸永
陸永做台慶司儀被照肺，有份做司儀的C君說：「冇咁嘅事，唔知點解有咁嘅新聞，啲人話佢黑面，佢唔講嘢嘅時候就係黑面㗎啦，佢喺我面前都好少笑。」C君之前跟女友到日本浸溫泉，問他是不是預支蜜月，他說：「未至於咁諗，不過之前都好似蘇民峰咁講，拖到18、19年，估唔到咁快就到18年。」他指已拍拖三年幾，不會似陸永般不小心。
採訪：張俊銘
攝影：林賓尼
憎唱主題曲
子華主唱的《男親女愛》主題曲紅極一時，但他竟自爆一向都不喜歡唱主題曲，今次監製邀請他唱，他亦一口拒絕，子華說：「監製叫我唱，我即刻話我好憎唱，呢部戲嘅質素唔應該搵我唱，但原來已經作好晒曲詞，準備好晒，音樂總監坐我背後，我當時非常尷尬，原來係欣宜唱，我只係搞吓笑就OK。」他表示唱歌方面，對自己要求好客觀，覺得非常適合才會願意唱，所以要他開金口是一件難事，他說：「今次填詞嘅係一個女仔，佢中英文都填得好勁，多謝欣宜唱首歌。」
電影是蕭定一公司投資，因蕭定一跟TVB有官司糾紛，所以電影不能到TVB平台宣傳，子華說：「多年前，我每次做棟篤笑，TVB都咁啱播我啲劇，朋友話TVB錫我幫我宣傳，我同人講冇夾定。後尾我做騷冇劇播，做人最後都係靠自己，你唔得邊個都幫你唔到。」阿佘則表示：「官司係公司同公司之間嘅事，對我冇直接影響，今次係電影嚟，最緊要大家買飛入場，我對子華有信心。」
C君撐陸永
陸永做台慶司儀被照肺，有份做司儀的C君說：「冇咁嘅事，唔知點解有咁嘅新聞，啲人話佢黑面，佢唔講嘢嘅時候就係黑面㗎啦，佢喺我面前都好少笑。」C君之前跟女友到日本浸溫泉，問他是不是預支蜜月，他說：「未至於咁諗，不過之前都好似蘇民峰咁講，拖到18、19年，估唔到咁快就到18年。」他指已拍拖三年幾，不會似陸永般不小心。
採訪：張俊銘
攝影：林賓尼
回應 (0)
