新聞類別
娛樂
詳情#
【蘋果日報】
組合Shine成員黃又南同徐天佑噚日聯同電影《五個小孩的校長》嘅小演員到青衣，為全新戲院擔任揭幕嘉賓，家陣距離下月2日紅館演唱會唔夠一個月，本來瘦猛猛嘅又南，為咗呢個騷操到變筋肉人，佢話：「我都三十幾歲，下次再開都唔知操唔操到，今次留個美好回憶。」
勁到惹假疑雲
不過，有網友質疑膊頭太勁似key圖，又南即場除外套騷麒麟臂，旁邊嘅天佑以手掌量度，真係兩隻手掌都握唔晒，又南驕傲話已經操到六嚿腹肌，而天佑就話：「我鍾意李小龍，所以同又南操嘅方式唔同，希望騷上畀大家睇到成果。」兩人為咗演唱會，加大力度一星期排足七日，可能要到年初一、二先有得唞吓。
又南話一身肌肉得嚟不易，過程辛苦兼要克服心理障礙：「用咗半年時間不停操練，記得頭三日未適應好辛苦，瞓覺都會抽筋扎醒，連手都舉唔起。今次真係去到盡，好想畀歌迷睇到我哋嘅誠意，到時可以用最好狀態見大家，一定眼前一亮。」
撰文：馮仁昭
組合Shine成員黃又南同徐天佑噚日聯同電影《五個小孩的校長》嘅小演員到青衣，為全新戲院擔任揭幕嘉賓，家陣距離下月2日紅館演唱會唔夠一個月，本來瘦猛猛嘅又南，為咗呢個騷操到變筋肉人，佢話：「我都三十幾歲，下次再開都唔知操唔操到，今次留個美好回憶。」
勁到惹假疑雲
不過，有網友質疑膊頭太勁似key圖，又南即場除外套騷麒麟臂，旁邊嘅天佑以手掌量度，真係兩隻手掌都握唔晒，又南驕傲話已經操到六嚿腹肌，而天佑就話：「我鍾意李小龍，所以同又南操嘅方式唔同，希望騷上畀大家睇到成果。」兩人為咗演唱會，加大力度一星期排足七日，可能要到年初一、二先有得唞吓。
又南話一身肌肉得嚟不易，過程辛苦兼要克服心理障礙：「用咗半年時間不停操練，記得頭三日未適應好辛苦，瞓覺都會抽筋扎醒，連手都舉唔起。今次真係去到盡，好想畀歌迷睇到我哋嘅誠意，到時可以用最好狀態見大家，一定眼前一亮。」
撰文：馮仁昭
回應 (0)
