新聞類別
娛樂
詳情#
【蘋果日報】郭富城（城城）、馮紹峰、趙麗穎、梁詠琪（GiGi）及羅仲謙等主演、鄭保瑞執導的賀歲片《西遊記女兒國》前晚在尖沙嘴W酒店舉行「保良局慈善首映禮」，飾演孫悟空的城城表示：「本來拍完上一套，因為個妝太辛苦，我同自己講過話唔會再拍，但係今次導演同電影老闆話四師徒其他三個都會繼續拍，我再睇埋劇本，自己都被打動，唔拍唔得。」
好驚食嘢整花
其後城城受訪時，又爆趙麗穎愛吃零食，他說：「趙麗穎成日都會準備好多零食，但係我同謙仔次次都係得個睇字，因為我哋由鼻到嘴都化咗妝，好驚一食嘢會整花。」身邊的謙仔認同說：「每一次化妝都要五、六個鐘，一拍就拍八個鐘，拍完再由五個人用四十五分鐘卸妝，其實拍嘅過程都唔可以去廁所。」難得眾演員在香港聚首，會否一盡地主之誼？城城笑說：「都想帶佢哋出海食吓海鮮，不過今次宣傳排得好密，都冇辦法。」
GiGi前晚出席首映時表示：「今次做國師，不過朋友入戲院睇之前，都會同佢哋講我有份做，怕認唔到我，今次好榮幸可以參與一個有荷李活級數嘅特技化妝技巧嘅電影，不過拍攝期間我每日8點通告就要2點起身，化妝化足五個幾鐘，嗰陣時就真係好想打導演，不過前晚喺北京見到成果之後，我覺得好靚，所有嘢都好值得。」
冇同林志玲咀
今次林志玲反串做男兒身，導演用特技將男性身體放落去，更安排林志玲與GiGi配成一對，GiGi笑言：「有fans睇完之後問我點解冇咗我同志玲咀嘴嗰幕，其實本身冇㗎，不過今次拍呢套戲除咗化妝之外，最難係要用好多幻想，因為導演喺戲入面放咗好多特技，所以事前要諗定點做。」
採訪：馬建華
攝影：沈健程
好驚食嘢整花
其後城城受訪時，又爆趙麗穎愛吃零食，他說：「趙麗穎成日都會準備好多零食，但係我同謙仔次次都係得個睇字，因為我哋由鼻到嘴都化咗妝，好驚一食嘢會整花。」身邊的謙仔認同說：「每一次化妝都要五、六個鐘，一拍就拍八個鐘，拍完再由五個人用四十五分鐘卸妝，其實拍嘅過程都唔可以去廁所。」難得眾演員在香港聚首，會否一盡地主之誼？城城笑說：「都想帶佢哋出海食吓海鮮，不過今次宣傳排得好密，都冇辦法。」
GiGi前晚出席首映時表示：「今次做國師，不過朋友入戲院睇之前，都會同佢哋講我有份做，怕認唔到我，今次好榮幸可以參與一個有荷李活級數嘅特技化妝技巧嘅電影，不過拍攝期間我每日8點通告就要2點起身，化妝化足五個幾鐘，嗰陣時就真係好想打導演，不過前晚喺北京見到成果之後，我覺得好靚，所有嘢都好值得。」
冇同林志玲咀
今次林志玲反串做男兒身，導演用特技將男性身體放落去，更安排林志玲與GiGi配成一對，GiGi笑言：「有fans睇完之後問我點解冇咗我同志玲咀嘴嗰幕，其實本身冇㗎，不過今次拍呢套戲除咗化妝之外，最難係要用好多幻想，因為導演喺戲入面放咗好多特技，所以事前要諗定點做。」
採訪：馬建華
攝影：沈健程
回應 (0)
