杜德偉新年湊仔探親

【蘋果日報】杜德偉（Alex）昨日在沙田和fans舉行燒烤慶生派對，慶祝56歲生日，fans訂造了3D立體地球蛋糕，上面一支金咪寓意Alex的歌聲響遍全球，又自備航拍機拍下珍貴片段，有fans更帶同多年前的舊雜誌封面讓Alex簽名。Alex表示太太已在踏正12點時送上驚喜蛋糕，歲半兒子也一起分享這份甜蜜禮物，他又指今個情人節會和太太撐枱腳：「兩個人食餐飯已經好甜蜜，唔需要太複雜。反而農曆新年就會特別啲，會帶個仔去上海探親。」


Alex又即場和fans分享囝囝日前剪髮的經歷，Alex笑說：「剪頭髮驚佢郁嚟郁去，於是我抱實佢畀髮型師剪，結果之後個仔嬲咗我兩日，可能怪我情況咁『危急』都唔保護佢。」


撰文：葉晴